وتەبێژی وەزارەتی ئەوقاف و كاروباری ئایینیی هەرێم رایدەگەیەنێت، 29ی شەعبان لیژنەی باڵای بینینی مانگ لە هەرێم كۆدەبێتەوە و بڕیار لەسەر دیاریكردنی یەكەم رۆژی مانگی رەمەزان دەدات.
نەبەز ئیسماعیل، وتەبێژی وەزارەتی ئەوقاف و كاروباری ئایینیی هەرێم لە لێدوانێكدا رایگەیاند، ئەو قسانەی لەبارەی دیاریكردنی یەكەم رۆژی مانگی رەمەزان دەكرێن هیچ بنەمایەكی نییە كە پشت بە زانیاریی فەلەكناسی دەبەسترێت و 29ی شەعبان هاوكاتە لەگەڵ 28ی شوبات لیژنەی باڵای بینینی مانگ كۆدەبێتەوە و بە هەماهەنگی لەگەڵ لیژنەی باڵای فەتوای هەرێم ئەگەر مانگ بینرا و بەپێی بەڵگە شەرعییەكان بڕیار لەسەر دیاریكردنی یەكەم رۆژی مانگی رەمەزان دەدات.
وتیشی، “هەماهەنگیی باشمان لەگەڵ دیوانی وەقفی سونی عێراقدا هەیە و هەرێمی كوردستان بۆ دیاریكردنی یەكەم رۆژی رەمەزان پشت بە بەڵگەی شەرعی دەبەستێت كە بینینی مانگە”.
