میدیاکانی ئیسرائیل بڵاویان کردەوە کە وەزیری دەرەوەی ئەمریکا، مارکۆ ڕۆبیۆ لە میانی سەردانەکەی بۆ تەل ئەبیب، پرسی ئێران و قۆناغی دووەمی ڕێککەوتنی ئاگربەست لە غەززە لەگەڵ سەرۆکوەزیرانی ئیسرائیل، بنیامین ناتانیاھو تاوتوێ دەکات.
ڕۆژنامەی ھائارتز-ی ئیسرائیلی بڵاوی کردەوە کە ئەمڕۆ یەکشەممە، مارکۆ ڕۆبیۆ لە میانی سەردانەکەی بۆ تەل ئەبیب لەگەڵ بنیامین ناتانیاھو کۆدەبێتەوە.
ڕاشیگەیاندووە کە لە کۆبوونەوەکەدا، پرسی ئێران و قۆناغی دووەمی ڕێککەوتنی ئاگربەست لە غەززە، تاوتوێ دەکرێن.
ڕۆژنامەکە ئاماژەی بەوەشداوە کە سبەی دووشەممە، وەزیری دەرەوەی ئەمریکا لە تەل ئەبیب'ەوە بەرەو سعوودیە و ئیمارات بەڕێدەکەوێت، بێ ئەوەی سەردانی ڕامەڵڵا بکات و لەگەڵ سەرۆکی فەڵەستین، مەحمود عەباس کۆببێتەوە.
دوێنێ شەممە وەزیری دەرەوەی ئەمریکا، مارکۆ ڕۆبیۆ بە سەردانێکی فەرمی گەیشتە تەل ئەبیب.
