ڕێكخراوی بەختەوەری بە هاوكاری خێرخوازان بەردەوامە لەكاروچالاكیەكانی و لە نوێترین چالاكیدا هەستا بە دابەشكردنی پێداویستیەكانی رەمەزان بەسەر 150 خانەوادەی مناڵی نازداردا.
لقی سلێمانی، ڕێكخراوی بەختەوەری بڵاویكردەوە: لەگەڵ هاتنی مانگی ڕەمەزانی پیرۆز، رێكخراوی بەختەوەری لە شاری سلێمانی هاوكاری مادی و سەبەتەی خۆراك و مریشك و پێداویستیەكانی رەمەزانی بەسەر 150 خانەوادەی مناڵی نازدار دابەشكرد.
ڕێكخراوەكە ئەوەشی خستەڕوو: بەپشتیوانی خوداو هیمەتی موسڵمانان، وەك ساڵانی ڕابردوو لەكاروچالاكیەكانیان بۆ خزمەتی منداڵانی بێباوك و هەژاران بەردەوام دەبن و هاوڵاتیان دەتوانن ڕۆژانە هاوكارییەكانیان بگەیەننە ڕێكخراوەكە تاوەكو لە هاوكاریكردنی بێباوكان و هەژاران بەژداربن.
