پێشڕەو عەبدوڵا، نوێنەری كۆمەڵەی پەنابەرە گەڕاوەكان لە ئەوروپا رایگەیاند: یەختێك كە 25 سەرنشینی هەڵگرتبوو لە كەناراوەكانی قوبرس ژێرئاو كەوت و تەنیا دوو كەسیان رزگاریان بووە.

ووتیشی: تاوەكو ئێستا 7 تەرم دۆزراونەتەوە و 16 كەسیش بێسەروشوێنن، گەڕان بە دوای بێسەروشوێنەكانیشدا لەلایەن هێزی پاسەوانی كەناراوەكانی قوبرسەوە بەردەوامە.

ئەوەشی خستەڕوو: تەواوی سەرنشینانی ئەو یەختە خەڵكی سوریا بوون بەڵام تاوەكو ئێستا روون نییە خەڵكی رۆژئاوای كوردستانی تێدایە یاخود نا.