مەكتەبی راگەیاندنی یەكگرتوو بە بۆنەی نەورۆز و سەری ساڵی كوردی ٢٧٢٥ پەیامێكی پیرۆزبایی بڵاو دەكاتەوە.
دەقی پەیامەکە :
بە بۆنەی یادەکانی نەورۆز و سەری ساڵی نوێی کوردی و بەهار، پیرۆزبایی لە خەڵکی کوردستان دەکەین و هیوادارین ببێتە هەوێنی چارەسەرکردنی قەیرانەکان و سەرەتای خێر بۆ گەل و نیشتمانمان.
هەر چەندە لە ئێستادا خەڵکی کوردستان لە دۆخێکی خراپی گوزەراندان و بەداخەوە دەسەڵاتدارانی هەرێمیش بێباکن لە چارەسەری قەیرانەکان و نەدانی موچەی فەرمانبەران و بێنازکردنی خانەنشینان و فەرامۆشکردنی هاوڵاتیان و سەپاندنی باج و گرانبوونی بازاڕ و گرانکردنی کرێی خزمەتگوزارییە بنچینەییەکانی وەک ئاو و کـارەبـا و هتد..
هاوكات لەگەڵ نەورۆزی ئەمساڵ پرۆسەی ئاشتی لە باكور و رۆژ ئاوای كوردستان بەرەوپێش دەچێت و هیوادارین ببێتە چارەسەری یەكجارەكی بۆ دۆزی رەوای گەلی كورد لە باكور و رۆژئاوای كوردستان و سەرجەم پارچەكانی تری كوردستان.
هیوادارین لەنەورۆز و ساڵی نوێی کوردی چارەسەرکردنی کێشە و قەیرانەکان لە هەرێمدا بکرێت.
مەکتەبی ڕاگەیاندنی
یەکگرتووی ئیسلامیی کوردستان
٢٠/٣/٢٠٢٥
