لەسەر پێشنیاری سەرۆكی حكومەتی ئیسرائیلی، سەرۆكی دەزگای هەواڵگری ئەو وڵاتە لە پۆستەكەی دووردەخرێتەوە.

(رۆنین بار) سەرۆكی دەزگای هەواڵگری ئیسرائیلی ناسراو بە (شاباك) لەسەر پێشنیاری (بنیامین نەتنیاهۆ) ی سەرۆكی حكومەتی داگیركەر لە پۆستەكەی دووردەخرێتەوەو هۆكارەكەشی بۆ ئەوە گەڕێندراوەتەوە كە گوایە ناوبراو بۆ ئەو پۆستە شیاو نییە.

كەناڵی (12) ی ئیسرائیلی بڵاویكردۆتەوە، لە كۆبوونەوەی كابینەی حكومەتەكەی نەتنیاهۆ، دانووستانەكان بەو ئاكامە گەیشتوون كە (رۆنین بار) بۆ پۆستی سەرۆكی دەزگای هەواڵگری شیاو نییە، ئەوەش بەهۆی ڕووداوەكانی (7) ی ئۆكتۆبەری ساڵی 2023 كاتێك جەنگاوەرەكانی حەماس پەلاماری ناوچە سنوورییەكانی ئیسرائیلیانداو شۆڕشی تۆفانی ئەقسای بەدوای خۆیدا هێنا.