بەڕێوەبەرایەتی كەشناسی هەرێمی كوردستان كەشی پێشبینیكراوی 48 كاتژمێری داهاتووی بڵاوكردەوەو ڕایدەگەیەنێت: ئەمڕۆ نمەباران لە هەندێك ناوچەی هەرێمی كوردستان دەبارێت.

بەڕێوەبەرایەتی كەشناسی هەرێمی كوردستان بڵاویكردەوە: ئەمڕۆ شەمە 22- 03- 2025 ئاسمان ساماڵ و پەڵە هەور دەبێت هەندێكجار دەگۆرێت بۆ نیمچە هەور ، لەگەڵ بارینی نمە باران بە تایبەتی لە ناوچە شاخاویەكانی باكوری هەرێم ، وەبونی بەفرێكی كەم لە ناوچە شاخاوییە سنورییەكان و پلەكانی گەرما نزیك دەبێتەوە لە تۆماركراوەكانی دوێنێ.

سەبارەت بە كەشی سبەی یەك شەممە 23- 03- 2025، ڕایگەیاند: ئاسمان ساماڵ دەبێت لەگەڵ درووستبونی هەندێ پەڵە هەور و پلەكانی گەرما كەمێك بەرزتر دەبێتەوە بە ڕێژەی ( 1-2 ) پلەی سیلیزی لە تۆماركراوەكانی ئەمڕۆ.