هاوڵاتیان لەحاڵەتێكی دزیكردن ئاگادار دەكرێنەوە، چوار تۆمەتبار دەستگیركران
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

هاوڵاتیان لەحاڵەتێكی دزیكردن ئاگادار دەكرێنەوە، چوار تۆمەتبار دەستگیركران


ئاسایشی سلێمانی بە تۆمەتی دزیكردن لە ماڵان، چوار تۆمەتباری دەستگیر كرد كە بە ناوی سواڵكردنەوە لەدەرگای ماڵانیان داوە لەكاتێكدا كە زانیویانە ماڵەكە چۆڵە چونەتە ژورەوە و كەل و پەلی گرانبەهایان دزیووە.

 

بەڕێوەبەرایەتی ئاسایشی سلێمانی بڵاویكردەوە: لەدرێژەی كارو چالاكییەكانی بەڕێوەبەرایەتی ئاسایشی سلێمانی، بەمەبەستی پاراستنی سەروماڵ و كەرامەتی هاووڵاتیان و ڕوو بەڕوو بوونەوەی هەرجۆرە كارێكی هەڵخەڵەتاندن و فریودان و ئەنجامدانی كاری نایاسی و تێكدانی ئاسایش و ئارامی هاووڵاتیان، هێزەكانی ئاسایشی سلێمانی توانیان لە ڕۆژی (19/9/2020 ) لە چالاكییەكدا چوار تۆمەتباری سواڵكەر دەستكیربكەن بەفەرمانی دادوەر و بەپێی ماددەی ( 444) لەیاسای سزادانی عیراقی بە ناوەكانی ( ك،ا،ف لەدایكبوی ساڵی 1992 / س،ح،ف لەدایكبوی 1988 ڕەگز مێ / م،ح،ف لەدایكبووی 1982 ڕەگز مێ / ش،ا،ف لەدایكبوی 1994 ڕەگەز مێ) ، تۆمەتباران هەستاون بە ناوی سواڵكردنەوە لەدەرگای ماڵانیان داوە لەكاتێكدا كە زانیویانە ماڵەكە چۆڵە چونەتە ژورەوە و كەل و پەلی گرانبەهای ماڵەكەیان دزیووە.

 

ئەوەشی خستەڕوو: لەكاتی دەستگیركردن و پشكنینی ماڵەكانیان بە فەرمانی دادوەر چەندین پارچە چەك و زێر و بڕەپارەیان پێ گیراوە كەبریتین لە ( یەك چەكی كڵاشنكۆف ، یەك دەمانچەی چواردەخۆر ، بڕی (22700 بیست و دوو هەزار و حەوسەد دۆلاری ئەمریكی ،000 720 حەوت سەد و بیست هەزار دیناری عیراق و ، 2360 دوو هەزار و سێ سەدو شەست ئۆرۆ ، 10ملیون تمەنی ئێرانی ، بڕێك زێڕ ) ، سەرجەمیان دانیان بەتاوانەكانیاندا ناوە و ڕوبەڕوی یاسا كراونەتەوە و لێكۆڵینەوە لەگەڵیاندا بەردەوامە.

هه‌واڵی گرنگ