یاریزانێكی نوێی كۆڵۆمبی پەیوەندی بەیانەی زاخۆ كرد
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

یاریزانێكی نوێی كۆڵۆمبی پەیوەندی بەیانەی زاخۆ كرد

 

یاریزانێكی كۆڵۆمبی گەیشتە شاری ئەنتاڵیا بۆ پەیوەندیكردن بە مەشقەكانی یانەی زاخۆ كە ئێستا لە ئۆرودوگایەكی مەشقیدا خۆیان بۆ وەرزی نوێ ئامادە دەكەن.

یانەی زاخۆ بڵاوی كردەوە ، خوان داڤید كاستانییدای كۆڵۆمبی گەیشتۆتە ئەنتاڵیا و پەیوەندی بە مەشقەكان كردووە كە ئێستا لە توركیا سەرقاڵی ئۆرودوگایەكی مەشقین و بۆ ركابەرییەكانی خولی نایابی عێراق خۆیان ئامادە دەكەن.

هەر دوێنێ یاریزانە كۆڵۆمبییەكە درێسی زاخۆی پۆشیوە و مەشقەكانی دەستپێكردووە لەماوەی دوو رۆژی داهاتووش تەواوی یاریزانە نوێیەكانی تیپەكە پەیوەندی بە مەشقەكان دەكەن.

لەلایەن خۆیەوە ئەحمەد سەڵاح راهێنەری یانەی زاخۆ رایگەیاند ، ئۆردوگا مەشقییەكەمان لە ئەنتاڵیا زۆر گرنگە ، پێمان وایە كەشێكی ئارامی دروست كردووە و چەند یارییەكی دۆستانە ئەنجامدەدەین.

دەشڵێت ، ئێمە ركابەری لەسەر ئەو نازناوانە دەكەین كە بەشداری تێدا دەكەین ، دەزانین رووبەرووی ئەركی قورس دەبینەوە ، بەڵام ئێمە بۆ ئەم ئەركە ئامادەین.

جێی باسە یەكەم یاری یانەی زاخۆ لە خولی نایابی عێراق بەرامبەر یانەی كارەبا دەبێت ، یارییەكەش لە شاری زاخۆ بەرێوەدەچێت.

هه‌واڵی گرنگ