دهۆك ده‌ربازبوو قۆناغا دوێ یا خولا پلا ئێكا عیراقێ
کوردیو-دھوک
تیما ته‌پاپێ یا یانا دهۆك ده‌ربازبوو قۆناغا دوێ یا ڤاڤارتنێن پارێزگه‌ها دهۆكێ بۆ خولا پلا ئێكا عیراقێ، سه‌ربارى دوراندنا دگه‌ل مێڤانا خوه یانا سێمێلێ ب دو گۆلا به‌رامبه‌ر گوله‌كێ دیاریا دوێ دا ئه‌وا ئه‌ڤرۆ ل یاریگه‌ها سه‌ره‌كى یا یانا دهۆكێ هاتیه ئه‌نجامدان.
دنیڤا ئێكێ دا یانا دهۆك ئاسته‌كێ مه‌زن نیشان دا و ژماره‌كا باش یا هێرشێن مه‌ترسى یێن گۆلێ ژ ده‌ستدان لێ هه‌مبه‌رى وێ یانا سێمێل ب هه‌موو هێزا خوه یارى دكر و شیان مفایى ب لێدانه‌كا په‌نه‌لتیێ بینن ئه‌وا ژلایێ هێرشبه‌رێ وێ عامر فازل گۆلا پێشكه‌فتنێ د خوله‌كا 26ێ دا تۆماربكه‌ت.
دنیڤا دوێ دا یاریزانێن دهۆكێ ئاستێ چاڤه‌رێ كرى نیشان نه‌دا، گۆلا وه‌كهه‌ڤیێ یا یانا دهۆكێ دخوله‌كا 63ێ یاریزانێ پێگهورێ یانێ فه‌هه‌د كه‌ریم تۆماركر، دخوله‌كا 75ێ دا یاریزانێ سێمێلێ عامر فازل گۆلا دوێ ژ فاوله‌كا ئێكسه‌ر تۆماركر ، یارى ب سه‌ركه‌فتنا سێمێلێ ب دو گۆلا به‌رامبه‌ر گوله‌كێ ب دوماهى هات، لێ ژبه‌ركو د یاریا ئێكێ دا یانا دهۆكى سه‌ركه‌فتبوو ب 3-1 گۆلا و ئه‌نجامێ هه‌ردو یاریا 4-3 د به‌رژه‌وه‌دیا یانا دهۆكێ دا هاته هژمارتن.
بۆ زانین یانا دهۆك دێ قۆناغا دوێ د كۆما ده‌ڤه‌را باكورێ عیراقێ و هه‌رێما كوردستانێ دا ل كانوونا ئيكي يا سالا بهێت كه‌ت پشتى بدوماهى هاتنا ڤاڤارتنێن پارێزگه‌هێن دى و دانانا خشته‌كێ نوو یێ یاریا ژلایێ ئێكه‌تیا ته‌پاپێ یا عیراقێ.
