ئەمڕۆ شەممە ئەنجومەنی فشار لە شاری سلێمانی پەیامێكی توندی ئاڕاستەی ئەنجومەنی وەزیرانی هەرێمی كوردستان كردو ئەنجومەنەكە داوای بایكۆتی سەرتاسەری لە هەرێمی كوردستان دەكات.
سەرلەبەیانی ئەمڕۆ شەممە ئەنجومەنی فشار لە شاری سلێمانی لە كۆنفرانسێكی ڕۆژنامەوانیدا داوایان لەسەرجەم فەرمانبەرانی هەرێمی كوردستان كرد لە سبەینێ یەك شەممەوە بایكۆتی دەوام بكەن تاوەكو داواكارییەكانمان جێبەجێ بكەن.
هەروەها ئەنجومەنەكە داوا لە پەرلەمان دەكات ڕۆڵی خۆی بگێرێت و ئەگەر نا ئەو پەرلەمانە زیادەیەو لەئاست كێشەكانی هاوڵاتیانی هەرێمدا نیە.