وەزیری تەندروستی حكومەتی هەرێمی كوردستان ڕایدەگەیەنێت: بڕیارەكانی تایبەت بە پرۆسەی فێركرن و پەروەدە بەردەوامەو لە كۆبونەوەی داهاتوودا هەڵسەنگاندنی نوێ بۆ بارودۆخەكە دەكرێت.

ئەمڕۆ شەممە د.سامان بەرزنجی وەزیری تەندروستی حكومەتی هەرێمی كوردستان لە كۆنفرانسێكی ڕۆژنامەوانیدا ڕایگەیاند: تا ئێستا رێكارەكانی پەیوەست بە دەوامی ناوەندەكانی خوێندن وەكو خۆی ماوەو پێویستە هاوڵاتیان خۆیان لە ڤایرۆسی كۆرۆنا بپارێزن و پابەندی بڕیارو ڕێنماییە تەندروستیەكان بن.

هەروەها ووتیشی: لەسەر ڕێنمایی و بڕیارەكانی تایبەت بە پرۆسەی فێركرن و پەروەدە بەردەوامین لەسەر ئەو بڕیارەی پێوشمان تا سەری مانگ و لە كۆبونەوەی داهاتوو هەڵسەنگاندنی نوێ بۆ بارودۆخەكە دەكرێت.