بەپێی پێشبینییەكانی بواری كەشناسی هەفتەیەكی باراناوی روو لە هەرێمی كوردستان دەكات و پلەكانی گەرما نزم دەبێتەوە.

ماڵپەری ئەكوا وێزەری ئەمریكی كە تایبەتە بە كەشناسی جیهانی بڵاوی كردۆتەوە ، لە سەرەتای هەفتەی داهاتوو شەپۆلێكی باران بارین هەرێمی كوردستان دەگرێتەوە.

لە هەولێر باران بارین بەشێوەی پچر پچر دەست پێدەكات و دوای ئەوەی تەنها دوو رۆژ كەش و هەوا ئاسایی دەبێتەوە جارێكی دیكە پلەكانی گەرما نزم دەبنەوە.

لەهەردوو شاری سلێمانی و دهۆك باران بارین هەیە و پێشبینی دەكرێت لەناوچە شاخاوییەكان باران بارین زیاتر بێت.