جەولەی كۆتایی خولی نایابی كوردستان بەڕێوە دەچێت
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

جەولەی كۆتایی خولی نایابی كوردستان بەڕێوە دەچێت

 

وابریارە ئەمرۆ كاتژمێر 5:00 ئێوارە جەولەی 10مین و كۆتایی لە خولی نایابی یانەكانی كوردستان ئەنجام بدرێت، لە جەولەی رابردوو یانەی برایەتی بەفەرمی بۆ جاری یەكەمین لە مێژوویدا بووە پاڵەوان.

ئەمرۆ دوو یاری ئەنجام دەدرێت، لەیاری یەكەم لەسەر یاریگای ئاشتی یانەی سیروانی نوێی دووەمی ریزبەندی بە كۆكردنەوەی 15 خاڵ ، میوانداری پێشمەرگەی هەولێر دەكات ئەویش خاوەنی 10 خاڵەو پلەی كۆتایی ریزبەندی گرتوە، سیروانی نوێ دەیەوێت بردنەوە تۆمار بكات بۆ ئەوەی پلەی دووەم بەدەست بهێنێت.

لەیارییەكی تردا شێروانە لەسەر یاریگای خۆی میوانداری هەندرێن دەكات،شێروانە 13 خاڵی هەیەو پلەی سێیەمی ریزبەندی گرتوەو هەوڵ بۆ بردنەوە دەدات و چاوی لەوەشە سیروانی نوێ بدۆرێت بۆ ئەوەی پلەی دووەم بباتەوە، هەرچی هەندرێنە خاوەنی 12 خاڵەو پلەی چوارەمی ریزبەندی گرتوە ئەم تیپەش چانسی ئەوەی هەیە لە ریزبەندی یانەكان زیاتر بچێتە پێشەوە ئەگەر بردنەوە تۆمار بكات، دواین یاری خولەكەش كاتژمێر 5:00 ئێوارەی پێنج شەممە لە نێوان برایەتی و زاخۆ لەسەر یاریگای برایەتی ئەنجام دەدرێت.

 

هه‌واڵی گرنگ