بەیاری نێوان توركیا و ئیتاڵیا یۆرۆی (2020) دەستپێدەكات
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

بەیاری نێوان توركیا و ئیتاڵیا یۆرۆی (2020) دەستپێدەكات

 

یارییەكانی یۆرۆی (2020) لە (11) یاریگا و وڵات دەستپێدەكات كە بریار بوو ئەم پاڵەوانیەتیە لە هاوینی رابردوو ئەنجامبدرێت بەڵام بەهۆی ڤایرۆسی كۆرۆنا و قەیرانە تەندروستییەكان بۆ ئەمساڵ دواخرا.

بۆ جاری یەكەمە لەمێژووی یۆرۆ , لە زیاتر لەچەند وڵاتی ئەنجامبدرێت و ئەمجارە لە (11) وڵات یارییەكان بەرێوەدەچن , هاندەران بە تامەزرۆوە چاوەرێی دەستپێكی پاڵەوانیەتیەكە دەكەن.

یەكەم یاری لە پالەوانیەتیەكە بە یاری ئاگرین لەنێوان ئیتاڵیا و توركیا دەستپێدەكات , سەرچاوەكانی هەواڵ رایدەگەینن هەریەكە لە فرانچیسكۆ تۆتی و ئەلیساندرۆ نێستا لە ئاهەنگی دەستپێك لەسەر یاریگای ئۆڵێمپیكۆ لەشاری رۆما ئامادە دەبن و تۆپ بۆ هاندەران دەهاوێژن.

پاڵًەوانیەتی یۆرۆ لە (11)ـی حوزەیران دەستپێدەكات ، یاری كۆتایی لە (11ـی تەمموز) ئەنجامدەدرێت ، ئەم پاڵەوانیەتیە لە (11) شاری جیاواز بەبۆنەی یادی (60) ساڵەی یەكەم پاڵەوانیەتی جامی نەتەوەكانی ئەوروپا بەرێوەدەچێت.

تۆڕی هەواڵی سكیاس سپۆرت بڵاوی كردۆتەوە، لە ئاهەنگی یاری كردنەوە تۆتی و نێستا ئامادەدەبن و لەسەر چیمەنی یاریگا تۆپ بۆ بەخێرهاتنەوەی (16) هەزار هاندەر بۆ یاریگاكان دەهاوێژن.

ئەمەو راپۆرتەكان بڵاوی دەكەنەوە ، تیمێكی پۆلیسی ئیتاڵی ئامادەدەبن بە كۆمەڵێك ئامێری میوزیكییەوە و چەندین میوزیكی كلاسیكی دێرینی وڵاتەكە دەژەنن.

ئەمەو رۆژنامەی توتو سپۆرت روونی كردۆتەوە ، (24) باڵۆنی گەورە ئامادەكراوە و هەر باڵۆنێكی هێما بۆ وڵاتێكی بەشداربووی یۆرۆی (2020) دەكات كە بۆ یەكەمجارە ژمارەیان بۆ (24) هەڵبژاردە بەرزبێتەوە.

ئەمەو گۆرانیبێژی بەتوانای ئیتاڵی كە خاوەنی هەوادارێكی زۆر (ئەندریا بوچیلی) ئامادەی ئاهەنگی تایبەتی كردنەوەی یۆرۆ دەبێت.

پاڵەوانیەتی یۆرۆی (2020) لە (24) هەڵبژاردە پێكهاتووە ، دابەشكراوە بەسەر (6) كۆمەڵە ، لە هەر گرووپێكدا (4) هەڵبژاردەی تێدایە.

یەكەم و دووەمی هەر گرووپێك راستەوخۆ سەردەكەوێت بۆ قۆناغی (16)ـی پاڵەوانیەتی یۆرۆ , دواتر باشترین (4) هەڵبژاردەی خاوەن پلەی سێیەم سەردەكەون بۆ هەمان قۆناغ.

قۆناغی دووەمی یارییەكانی یۆرۆ لە (27)ـی ئەم مانگە دەستپێدەكات و ماوەی سێ رۆژ بەردەوام دەبێت ، پێش ئەوەی لە (3)،ی مانگی داهاتوو یارییەكانی قۆناغی چارەكی كۆتایی دەست پێ بكات.

لە (7) و (8)ـی مانگی داهاتوو قۆناغی پێشكۆتایی بەرێوەدەچێت و دوو هەڵبژاردە لە یاری كۆتایی لە (11)ـی مانگی داهاتوو كۆتایی بە یۆرۆ دەهێنن.

هەریەكە لەیاریگاكانی ویمبلی و ئەلیانز ئەرێنا و پاكۆ و ئۆلێمپیكۆ و كریسكۆفیسكی و بوخاریستی نیشتیمانی و یۆهان كرۆیف و ئەڤیڤا و سان مامێس و بوشكاش ئەرێنا و هامبدن پارك و پاركین میوانداری یارییەكانی یۆرۆ دەكەن.

 

هه‌واڵی گرنگ