ستانیسلاس چیرچیسۆفی راهێنەری هەڵبژاردەی ڕوسیا تا ئێستاش بروای وایە بەلجیكا خاوەن پێكهاتەیەكی بەهێزە بردنەوە لەم تیپە ئاسان نیە.
لە كۆنگرەی رۆژنامەوانی بەر لەیارییەكە راهێنەری روسیا گوتی:" ئێمە پێكهاتەیەكمان هەیە 18 یاریزانی جامی جیهانی رابردووی تێدایە، سێ جار بەرامبەر بەلجیكا یارییمان كردووە هەرسێ جارەكەش یاری بە جۆش و خرۆش بووە".
گوتیشی:" ئامانجی ئێمە بۆ بردنەوەیە لەیاری ئەمشەو، راستە لەدوو یاری رابردوو دۆراوین، بەڵام دەبێت ئەوەشمان لەبیربێت بەلجیكا ئێستاش تیپێكی نایابە".
لەكۆتایشدا گوتی :" تیپەكەمان بەشێوەیەكی باش ئامادەیە، ئامانجی سەرەكیمان تێپەڕاندنی قۆناغی یەكەمە پاشان بیر لە قۆناغەكانی داهاتوو دەكەینەوە".