كاسپەر هیولماندی راهێنەری هەڵبژاردەی دانیمارك لەدوای دۆرانی تیپەكەی بەرامبەر بە فنلندا رایگەیاند زیاد لە توانای خۆمان خستەكار بۆ تەواو كردنی یارییەكە بەهۆی ئەوەی بەسەر ئیریكسن هات.

راهێنەری دانیمارك گوتی :" ئەوەی یاریزانەكان ئەنجاممیاندا جێگەی باوەڕكردن نیە، یاریزانەكان توشی پاڵەپەستۆی دەروونی و سۆزداری هاتنەوە پاش ئەو رووداوەی بەسەر ئیریكسن هات.

دوو بژاردەمان لەبەردەم بوو تەواو كردنی یارییەكە یانیش دواخستنی بۆ ئیوارەی یەكشەممە ، هەموو لەگەڵ ئەوە بوون یارییەكە تەواو بكەین، چونكە لەو باوەڕە دابوون ناتوانن بخەون بۆیە باشترین بژاردە تەواو كردنی یارییەكە بوو لەم كاتەدا".

هیولماند گوتیشی :" لەگەڵ خانەوادەی ئیركسن گفتوگۆم كردووەو باشترین شت لە ژیان تەندروستیە، ئێمە دڵمان لەگەڵ ئیریكسن و خانەوادەكەیدایە.