فرناندۆ سانتۆسی راهێنەری هەڵبژاردەی پورتوگال بەدەست هێنانی بردنەوە بەرامبەر بە مەجەر بۆ ئەو گۆڕانكارییانە دەگەڕێنێتەوە كە لەیارییەكە ئەنجامیدا.

سانتۆس بۆ رۆژنامەنوسان گوتی :" لە گێمی دووەم بە دوو دڵی دەستمان پێكردەوەو كات لەبەرژەوەندی ئێمە نەبوو پێویستمان بە بردنەوە هەبوو".

گوتیشی :" ناچار بووم هەندێك گۆرانكاری بكەم تا ڕتمی یارییەكە خێراتر بێت ، رۆناڵدۆم بۆ باڵی چەپ گواستەوەو ئاستێكی بەرزیان پێشكەش كرد لەگەڵ رافائیل ئەمەش وای كرد پێش بكەوین".

گوتیشی:" لەهەندێك كات ئەوەی ویستمان ئەنجامماندا بەڵام لەهەندێك كات ئەوەی دەتەوێت ناتوانی ئەنجامی بدەین، یاریزانە یەدەگەكان ئاستێكی بەرزیان پێشكەش كردوو كارێكی نایابیان كرد".

لەكۆتایشدا گوتی :" خۆمان بۆ یاری ئەڵمانیا ئامادە دەكەین، ئێمە لە قۆناغی كۆمەڵەكانین پێویستمان بە پێشكەش كردنی ئاستێكی بەرزە، توانیمان ڕكابەرەكەمان بكوژین".