یانەی قوەجەویە بە بردنەوەی لە یانەی حدود بە دوو گۆڵ بەرامبەر بە گۆڵێك كۆتایی هێنا بەیارییەكانی ئەم وەرزەی خولی نایابی عێراق.

ئەگەرچی یارییەكە هیچ كاریگەریەكی لەسەر ریزبەندی نەبوو , چونكە قوەجەویە بەفەرمی بۆتە پاڵەوانی خولی نایابی عێراق و یانەی حدود دابەزیوە بۆ ریزی یانە پلە یەكەكانی عێراق.

لەخولەكی (50) بیلال خدر گۆڵی یەكەمی بۆ یانەی حدود تۆماركرد ، بەڵام حومادی ئەحمەد لەخولەكی (67) ئەنجامەكەی بۆ قوەجەویە راست كردەوە ، گۆڵی سەركەوتنیش گۆڵكاری خولەكە ئەیمەن حوسێن لەخولەكی (87) تۆماریكرد.

بەم ئەنجامەش قوەجەویە بە كۆكردنەوەی (83) خاڵ بەفەرمی بووە پاڵەوانی خولی نایابی عێراق و حدودیش بە (31) خاڵ دابەزی بۆ ریزی یانە پلە یەكەكانی عێراق.