بەرێوەبەرایەتی گشتی كارەبای سلێمانی ڕایدەگەیەنێت: قیستی پارەی كارەبا تا 12 قیست بەردەوامەو داهاتی هەشت مانگی ئەم ساڵ بە بەراورد بە هەشت مانگی پار ساڵ زیادیكردوە.

لێپرسراوی كاروباری وزە لە بەڕێوەبەریەتی گشتی كارەبای سلێمانی بڵاویكردەوە: داهاتی كارەبا ئەم ساڵ تا كۆتایی مانگی هەشت، بە بەرامبەر بە هەمان ماوەی رابردوو زیادیكردوە و پشكی (قیست)ی قەرزی كارەباش تا 12 پشك بەردەوامە.

لێپرسراوی بەشی كاروباری وزە لە بەڕێوەبەرایەتی گشتی كارەبای سلێمانی راشیگەیاند: وەك هاوكارییەك بۆ هاوڵاتیان و هاوبەشانی كارەبا، هەركەسێك بیەوێت پارەی كارەبا یان قەرزی كارەبا بدات بۆی دەكرێت بە 12 پشك (قیست).

ئەوەشی خستەڕوو: بەشێك لە كارگە گەورەكانی سنوری پارێزگای سلێمانی پارەیان داوە، بەڵام بەهۆی تەواو نەبوونی مامەڵەكانیان بڕی پارەكانیان بۆ ناو داهاتی ئەو هەشت مانگە نەهاتوەو لە داهاتی مانگەكانی دوای هەشت دەردەكەێت.