دڤێ گوتارێدا مە دڤیت هندە بەرسڤا بدەینە وان کەسان، یێن هەر ساڵ هندەك فەرمودە و ئایەتێن قورئانێ لسەر حەرامکرنا ساخکرنا بیرەوەریا روژبوونا پێغەمبەری (س.خ) دکەنە بەلگە.

1ـ راسته چ بەلگەیێن ڤەبری بۆ بيرهاتن و ساخكرنا ڤێ روژێ يان هەر روژەکا دی وەکی بیرەوەریا (ئيسراء و ميعراج)ێ يان روژا شەرێ بەدرێ نینن، لێ چ بەلگەیێن ڤەبری ژی نینن کو ساخركرنا ڤان روژا حەرامه، بەلكو بەروڤاژی ڤێ یا ھەی و لەوما ڤان روژا دڤيابا بخو بدەليڤە بزانن و ئەڤه يا جودايه هەكه بكەنه جەژن و کارێن كرێت و نەدروست تێدا چێتبن. ونابیت مرۆڤ كومەلگەھی فیر بكەتە بلاڤكرنا جكلیت و شەربەتا کو ئەڤە واجبە ودڤێت بدەت کو ھندەكێن فەقیر یێن ھەین تێدكەڤن و ژبەر جیرانێن خوە ئەو ژی وەدكەن، بیرئانین یا جوانە بەس حدود یێن ھەین! لێ شريني بگشتی بو هەر بیرەوەریەکێ بیت هەکە تەپێچێدبیت تشتەکێ جوانه و ژ رەوشتێت مسلمانايه تو راكەی وەکی ئيمام عەلی دەمێ ( شرينيا كوردا لـ نه وروزێ خاری و گوت : زورا خوشه بلا هەمی روژ ببانه نەوروز) ! لەوما ڤان روژا دڤيابا بخو بده ليڤە بزانن ! و ئەڤه يا جدايه هەكه بكەنه جەژن و کارێن كرێت و نەدروست تێدا چێتبن ...... (بو زانين جەژن راماناوێ نە چكلێت وشەربەت بەلاڤەکرنە ! جەژن د ئيسلامێدا (عيبادەته) له وما مسلمانا ناڤێ روژ بونا پێغەمبەری ياكريه بيەروەرى نە جەژن)!! من ئه ڤه دياركر ژبەر هندەكا هندەك ژ مالا دەرێخستن و دگوتنێ حةرامە... ! نزا ڤانا ئەڤ رەوشته ژ كيفه ئينايه كو هندەكا د ڤان روژادا بدەرخينن ژ مالا خوە؟ ژبەر لدەف وان حەرامه تو شرينيێ بەلاڤەكەي!

2- هەمی فەرمودێن بەلاڤەدبن لسه ر بيدعێ راماناوێ ئەگەر تو عيبادەتەکێ( تەوقیفی) زێده يان كێم كەى ...وەكی,,,,,نڤێژا يان روژيا يان عيبادەتەكێ تايبەت بهندەك روژا تو بوخو بخێر حسێب كەی كو پێغەمبەری نه گودبيت ...... و ئەڤه بيرهاتنن مروڤ بيراخو و خەلكێ خو دئینیت ب روژا بونا وی وهەلبژارتنا خودێ كو ببيته سەروەرێ پێغەمبەرا [بو زانين روژ بونا وی بدروستی كەس نزانيت لەوما ئەم دبێژين بيرەوەريا روژبونا وی ] !

3- نەهەر کارەکێ پێغەمبەری نەگوت بيت ئەو بيدعەيه د دينی دا !! [بو زانين ,,,,بنیات دهەمی کارادا حەلاليه] (ئەڤە ژ پرنسیبێن ئيسلاميه )ژبلی هەکە دژبەرەکێ تێکستەکا شەرعی يێ ئاشکرابيت ,,,رامان دێ هێته گوهارتن هەکە ئەم ڤێ بزانين!

4- (سەعدێ کورێ وەقاسی )ژ سەحابیێت بەرنیاسبو دگوت : [مە وەسا رويدانيت جەنگ و پارستنا ئیسلاما خوە لگەل پێغەمیەری دژی ستەمکارێن کافرا وسەرکەتنێت مە نيشا زاروكێن خودا و بيراوان دئينا كاچوا مە قورئان نيشادا...! ]

5- (ئبن تەيميه) دكتێبا خودا [(اقتضاء الصراط المستقيم مخالفة أصحاب الجحيم) تحقيق : محمد حامد الفقي ]دبێژيت.... ئەو كەسێ ڤێ روژێ ساخ بكه ت بـ نيەتا ڤياناوی بو پێغەمبەری ئەو دێ هێته خەلاتکرن دەف خودێ وخودان خێرە !]

6- ژ زاناێت لگه ل ساخ كرنا ڤێ روژێ: [الحافضين ابن الجوزي . و ابن كثير . و الحافظ ابن دحية الاندلسي . و الحافظ ابن حجر . و خاتم الحفاظ جلال الدين السيوطي رحمهم الله تعالى].....وزانایێت ناڤچەرخ زوربەيياوان لگەل ساخکرنا ڤێ روژێنە ، تنێ هندەک نەبن یێ ل جزیرتا عەرەبی .

7- دەليل د قورآنێدا يه ,,,,قال الله تعالى {يا أيها الذين آمنوا اذكروا نعمة الله عليكم إذ جاءتكم جنود فأرسلنا عليهم ريحاً وجنوداً لم تروها وكان الله بما تعملون بصيرًا، إذ جاءوكم من فوقكم ومن أسفل منكم وإذ زاغت الأبصار وبلغت القلوب الحناجر وتظنون بالله الظنونا}، خودێ دبێژيت بيرا نيعەمەتێت من بكەن دەمێ من هوین قورتالكرين ژ ئێکبونا هەمی كافرا ، كا چوا لسه ر وه داگرت دەمێ شەرێ خەندەقێ .... .... ! و دبێژيت {يا أيها الذين آمنوا اذكروا نعمة الله عليكم إذ هم قوم أن يبسطوا إليكم أيديهم فكف أيدهم عنكم واتقوا الله وعلى الله فليتوكل المؤمنون} خودێ دبێژيت بيرا نيعەمتێت من بكەن دەمێ من هوين قورتالكرين ژ جوهيين بەنی قەينوقاع دەمێ خو كوم كرین دا خيانەتێ ل بوسلمانا كەن ل مەدينێ و دا پێغەمبەرى بدزيڤه كوژن !لەوما بيروەريا نيعەمتێن خودێ واجبه ,,,,, پا هوين چ دبێژن ،، مامه سترين نيعمەت ئەو نينه هاتنا سەروەرێ هەمي پێغەمبەرا لسەر رويێ دونياييی ،كو گەلەک زانا و خودانێت كتێبێن گەڤن ل هيڤيا بونا وي بون ....؟

8- فەرمودا ( ما تركت شيئاً يقربكم إلى الله إلا وأمرتكم به ).....هەکە مە سەحكره زاهرێ فەرمودێ ,,,رامان دياردكەت كو نابيت مروڤ باوەرياخو زێدەكەت نه بگوهدانا تلفزيونێ ونە کاسێتەکێ یان سیدیەکێ يان هه رتشتەكێ پێغەمبەی نه گوتبيت يان ديار كربيت ...! و هەكە گوتي نێ راماناوێ ...هتد ...دى بێژينی باشه ...تەبخو بەرسڤاخو دا پاڤێجا گرێنەده ب روژبونا پێغەمبەریڤه و ژ خودێ بترسه ! 9- فەرمودا (من أحدث في أمرنا هذا ما ليس منه فهو رد) رواه البخاري ومسلم....هەكه راماناوێ بسەرڤه وەرگرين هەردێ بێژين ( أحدث‌ في أمرنا )رامان نابيت تو تشتەكى نويی بينيەدەر ژنيك خو هەر چ تشت بیت! ياگوتي بتایبەت (أمرنا )راماناوێ ئەوعيبادەتێ دياركري بو مه ..و يا گوتي (ماليس منه ) رامان ژێ قەيدكر وگرێدا هەكە ئەو کار ( دژبەربیت)موعارزا شەريعەتی بيت !! بەروڤاژی ڤێ چەندێ رامانا وێ هەكە ( نەیا دژبەربیت)نەموعارزی شەريعەتی بيت نا بيته کارەکێ نوی د ديني دا !!! ڤێجا ئەڤە نه تشتەکێ نوييه بەلكو هەلكەتنەكه و مسلمان بخو بدەرفەت دزانن بو بەلاڤەكرنا رەوشتێ پێغەمبەری ددەمەکی دا تە چ رێکێن فەرمی نینن تو ناسناما پێغەمبەری و رەوشتێ وی دیار کەی بو کومەلگەهەکا مسلمان کو نوکە گەلەک زاروک نزانن ناڤێ پێغەمبەرێ وی چیە!!

9- ئايەتا بخو دكەنه دەليل {اليوم أكملت لكم دينكم وأتممت عليكم نعمتي ورضيت لكم الاسلام دينا}....قورتبي دبێژيت : (هەمي جەماوەرێ زانا دبێژن كو رامانا[من تمام كر لسەر وه دينێ وه] ئەو باسێ هەمی فەرزێت خودێ نە لگەل ئەو کارێن حەرام يێت بو مە ديار و ئاشكرا کرین لگەل ئەو کارێن حەلال وئاشكرا .. ) [هەر بوزانين ئەڤه نه آياتا دويماهيكێ یە هاتيه خار کو گەلەک وێ هزرێ دکەن! بەلکو گەلەک ئاياتێت دی يێت هاتينەخار وەك ئايەتا (ريبايێ)...و گەلەك ئايەتێن دی يێت هاتينەخار ژبلى ڤان ئايەتا و بو زانين ئاخر آيه‌ت هاتيەخا ئەڤە يه : {وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ} ژكوتنا قورتبی كو ئبن عەباسی يا ڤەكوهاستی! پا هەکە ئەف ئایەتە {اليوم اكملت ....}بكەنه دەليل كو دين هه ميێ تمامبوی پا وه دياره ئەو ئيمانێ نائينن ب ئايەتا ریبایێ و ئايەتاێن دی ئەوێت پشتي ڤێ ئايەتێ هاتينەخار [ حاشا]؟

10 - فەرمودا (أحسَنَ الحَديثِ كتابُ الله تعالى وأَحسَنَ الهَدْيِ هَديُ محَمّدٍ صلى الله عليه وسلّم وشَرَّ الأمورِ مُحدَثاتُها وكلّ مُحدثةٍ بِدعةٍ وكلّ بِدعة ضَلالَة) رواه مسلم والترمذي والبيهقي وغيرهم،........ راماناوێ (هەر بیدعەک )يا مخصصه ( تایبەتە)و گرێدايه ب موعارەزكرنا ( دژبەرکرنا) (أحسن الحديث وأحسن الهدي )نه يا ( گشتیە)عاممه ژبەر ڤان سەحابیا أستحداثێت كرين( نيژەنكرنێت پاک ددینیدا یێن کرین ) کو بيدعێت چاك يێت كرين!!

11- ئايەتا {وما آتاكم الرسول فخذوه وما نهاكم عنه فأنتهوا } رامان ( ئەوا پێغەمبەری بو هەوە گوتبیت بکەن وبگرن و ئەوا هوین ژێ قەدەغەکرین خو ژێ بدەنەپاش)....نەگوتیە (وما تركه يان وما لم يفعله يان وما لم يأمر به ...) رامان ( نەگوتیە ئەوا پێغەمبەری هێلای یان ئەوا کریار پێنەکری یان ئەوا ئەمرێ وە پێنەکربیت)!!! رامان هەمی د هێته بەروڤاژيكرن ...؟! لەوما پێغەمبەری مەنعا مە نەکریە ژ کارێن باش كو وی نەكربيت ددەمێ ویدا کو ئەو کار ددەمەکێ دیدا مفا مسلمانا تێدا بيت !!

12- د بنەمایێت شەرعیدا ياهەي .... (هەكه تو رێكەكا نەيا مسلمانا بكار بيني و تو وی مونكەرى ژێ راكەی و سالوخەتێن باش بكەيه دناڤدا ......تو يێ خودان خێری !! وەکی چوا پێغەمبەری گوستيرکاخو بكاردئینا بو موهرکرنا پەياما ،،،، ژبەر كو موهر( ختم) ژ کارێن پاشایێت كافر ا بون بكاردئينان ...! سەحابيا گوتى دڤێت تەژي هه بيت یا خوشتڤیێ خودێ ....!

13- دیاردا بیرەوەریا روژبونا پیغەمبەری لدەمێ (پاشا موزەفەری)هاتبو كرن كو يێ بەرنياسبو ب زهود و تەقوێ وجیهادێ دژی خاچ پەرێسا و لشەرێ (عەکایێ )هاتبو شەهیدکرن........وهەمی زانايێت لوی دەمی کومکرن و لسەر ساخكرنا ڤێ روژێ وبرازیبونا هەمی زانایا ئەڤ روژە ساخکر لچه رخێ 700مشەختى...

14- (ئبن رجب الحنبلي) دبێژيت (چوا پێغەبەری شوكرا نيعمەتا خودێ كر لسەر قورتالكرنا موسای ژ فيرعەونی لعاشورايێ ......دڤێت ئەمژی شوكرا خودێ بكەين لسەر خەلاتا خودێ بومه كو پێغەمبەر بو مە ئينا لسه ر دونيايێ ,,,!!

15- فەرمودا دبێژيت (إنما الاعمال بالنيات ..)هەر كەسەك دزانيت نیەتا وی چيه ! و هەر وەسا دبێژيت(من سَنَّ سُنة حسنة فله أجرها وأجر من عمل بها إلى يوم القيامة)،،،،،،،،،،، هەر کەسەک کارەکێ پاش بکەت کو کەسەکێ ئەو کار نەکربیت بەری وی ئەو دێ خودان خێر بیت لسەر وی کاری وهەچیێ چاڤ لێکەت، وی بەهرا وێ خێرێ یا تێدا هەی تا روژا قیاماتێ هندی ئەو کار یێ بەردەوام بیت.

 نمونێت کارێن کو سەحابیا وتابعیا کربیت کو ل دەمێ پێغەمبەری نەگربیت کو( ئەهلو لسونه وەلجەماعە)دبێژن : • ل ده مى (ئەبو بەکري )بريار هاته دا ن لسەر گرنكترين کار كو لدەمێ پێغەمبەری نەهاتبو كرن ...ئەوژي نڤێسينا قورآنا بيروز لسەر پەرتوكا دانه هێته بەرزەكرن !!

• ده مى (عومرێ کورێ خەتابی)تەراويح كرنه جموعەت كو لدەمێ پێغەمبەری نەوه سا بو !! ئو گەلەك سەحابيا كوتبو یێ ئەڤه بيدەعەيه ,,,,,كوتە وان :بيدعەكا باشه !

• هەر لدەمێ(عومەری)گوت : دڤێت ئەم سەرێ سالەكێ بكەينه سەرێ سالا مسلمانا ،، ١- هندەكا گوت /روژا بونا پێغەمبەری ! ٢- هندەکا گوت / روژا هاتنا وەحيێ بو وي .... ٣- هندەکا گوت / روژا مشەختبوناوی لێ لسەر روژا مشەختبونێ گەهشتنه ئێك .....رامان کو ئيحتيمال با روژا بونا وی با ! • لدەمێ (عثمان ئبن عەفاني )گرنك ترين کار هاته كرن ئەوژی کومکرنا هەمی بەرتوكێت قورآنێ ، دا يەك قورآن بهێته چاپ كرن !(المصحف العثماني )و ئەوا چاب کری هەمی لبەر وێ کوپیکرن وبەڵاڤەکرن ویێت دی هەمی سوتن ! نو كه ئه م يێ ب وێ بيدعێ ، قورآنێ دخوينين بەس باشترین کاربو هاتیە کرن !! • هەر لدەمێ (عثماني )دوو بانك هاتنه دانان ل خوتبا و لدەمێ پێغەمبەری يەك بانك بو !! ژبەر باژێر زور مەزنبو .... • تنقيحكرنا قورآنێ ( دانانا خالا لسەر پیتا وفەتح وکەسرا )... دا خاندنا قورئانێ ئاسانکەن کو لدەمێ (عەلي کورێ ئەبوتالبی )لسه ر دەستێ (يەحيێ کورێ يەعمری )هاتە دروستکرن • لدەمێ (عومەر کورێ عەبدو لعەزيزی ) وەک تابعی ١- بفەرمی بریارا پروژێ نڤێسینا فەرمودێن پێغەمبەری هاتە دان کو گەلەک زانا وی دەمی گوتی ئەڤە( بیدەعەیە) پێغەمبەری ئەمرێ مە پێنەکریە !! لێ ئەڤەکرە بریار هندی مسلمانا بناڤێ پێغەمبەری فەرمود دگوتن!! ٢- مناره‌ هاتنه دانان كو بەراهینکێ نەبون و مينبەر هاته دانان كو ئەوژی نەبو بەرهينگێ وهەر گەلەکا دگوت ئەڤە بیدعەیە!! • به ري 300 سالا بتنى رزناميت دەمێت نڤێژا (مواقيت الصلاة) دەركەتن دا مسلمان بخو فايدەكەن ژ دەمێ نڤێژا هەر ئەوێژی گەلەکا نەرزایبونا خو دیارکر وگوتی بیدعەیە...!  ولدویماهیکێ پێغه‌مبه‌ر(س.خ) ده‌مێ پسیار ژێ هاتیه‌ کرن کا بوچی ب روژی دبیت لروژا دووشه‌مبیێ ؟ گوتی: (ئه‌ڤه‌ روژه‌که‌ ئه‌زێ تێ دا بویم) ! رامانێ دده‌ت کو وی بیره‌وه‌ریا روژ بونا خو ساخت دکر دهه‌می دووشه‌مبیا بروژی کرتنێ !... لگه ل رێزێ بو هەميا.