یانەی هەولێر توشی دۆرانی هەشتەم بوو لەم وەرزەی خولی نایابی یانەكانی عێراق كاتێك لەسەر یاریگای صناعە لە یارییەكانی جەولەی 14می خولەكە بە دوو گۆڵی بێ بەرامبەر بە صناعە دۆرا.

لەخولەكی پێنج مستەفا ڕازی گۆڵی یەكەمی بۆ صناعە تۆمار كرد، بەر لەكۆتایی ئەم گێمەش بە 10 خولەك ئەسیر صاڵح گۆڵی دووەمی صناعەی تۆمار كرد، گێمی یەكەمیش بەم ئەنجامە كۆتایی هات، لە گێمی دووەمیش ئەنجامەكە وەك خۆی مایەوەو هەولێر توشی دۆرانی هەشتەم بوو لەم وەرزە، بەم ئەنجامەش صناعە بە كۆكردنەوەی 19 خاڵ پلەی نۆیەمی گرتوە.