لگورهی روژناما دیڤینسا سێنترال یێ ئسپانی بهلاڤكریه ، داهاتیێ ماركو ئهسێنسیو یاریكهرێ ریال مهدرید دگهل یانێ ئاشكهرا نینه .
روژناما ئسپانی ئاشكهرا كریه د دهمێ نوكهدا ههر دوو یانهیێن چێلسی یا ئنگلیزی و یانهیا پاریس سان جێرمان یا فهرهنسی بزاڤ دهستپێكرینه و دخازن گرێبهتسێ دگهل ئهسێنسیوی ئیمزا بكهن .
ئاماژه ب وێ چهندێ كریه بهرپرسێن یانهیا پاریس دخازن یاریكهرێ ئسپانی بكهنه جهگرێ كیلیان مپاپیێ یاریكهرێ نوكه یێ یانێ و ئهگهر ههیه ل وهرزێ بهێت یانێ بجه بهێلیت .
و رونكریه بابهتێ ڤهگوهاستنا ئهسێنسیوی بو چێلسی كارهكێ ب سانی نابیت ژبهر یانهیا لهندهنی دخازیت دهستبهرداری دوو یاریكهرێن خو بیت ئهو ژی حهكیم زهیاش و تیمو ڤێرنهرن دا بشیت یاریكهرێ یانهیا مهلهكی بینته دناڤ رێزێن خودا .