لیڤەرپول گەرایەوە سەركەوتنەكان و خاڵەكانی لەگەڵ مانچستەرسیتی پێشەنگی پرێمەرلیگ بەرامبەر كردەوە، پاش ئەوەی لە دەرەوەی یاریگای خۆی بردنەوەیەكی گرنگی بەرامبەر ئەستۆن ڤێلا بەدوو گۆڵ بەرامبەر بە گۆڵێك بەدەست هێنا.

گۆڵەكەی ئەستۆن ڤێلا لەخولەكی سێ لەلایەن دۆگلاس لویز تۆمار كرا، دوای سێ خولەك گویل ماتیب گۆڵی بەرامبەری بۆ لیڤەرپول تۆمار كردەوە گێمی یەكەمیش بەم ئەنجامە كۆتایی هات.

لە خولەكی 65 سادیۆ مانی گۆڵی بردنەوەی لیڤەرپولی تۆمار كرد، بەم بردنەوەیەش بووە خاوەنی 86 خاڵ بەجیاوازی گۆڵ هەر لە پلەی دووەمی ریزبەندی مایەوە.