ئیریك تین هاگی هۆڵەندی پاش ئەوەی وەك راهێنەری نوێی یانەی مانچستەریۆنایتد دەست نیشان كرا لە ئێستادا كارەكانی خۆی رایی دەكات.

تین هاگ لە لێدوانێك بۆ رۆژنامەی میرەری بەریتانی رایگەیاند:" لەمڕۆوە وەك كاری نوێی خۆم دەست بەكار بووم، هەموو تەركیزم بۆ یانەی مانچستەریۆنایتد دەبێت، دەمەوێت شرۆڤەیەكی باش بۆ یانەكە بكەم بۆ ئەوەی یانەكە بە دروستی هەڵسەنگێنین".

گوتیشی:" چەندین یاریزانی باش لە مانچستەریۆنایتد بوونی هەیە،بەڵام لەسەرمان پێویستە كار بكەین بۆ ئەوەی تیپێكی باش و تۆكمە دروست بكەین، رۆناڵدۆ یاریزانێكی گەورەیە و هیوای زۆرە، دەمەوێت ئەم یاریزانە لەگەڵ تیپەكە بەردەوام بێت، تا ئێستا بۆ ئەم یانەیە زۆر گرنگە".

مانچستەر یۆنایتد لەوەرزی داهاتوو بەشداری لە یانە پاڵەوانەكانی ئەوروپا ناكات و تا ئێستا ركابەری دەكات لەسەر گەیشتن بە خولی ئەوروپی.