پیپ گواردیولا ریاز مه‌حره‌ز دێ به‌رده‌وام بیت
گواردیولا گلوپا كه‌سك بو كارگێریا مانچێسته‌ر ستى هه‌لكر بو نویكرنا گرێبه‌ستا ریاز مه‌حره‌ز .
روژناما زه‌سه‌ن یا بریتانى ئاشكرا كر , كارگێریا مانچێسته‌ر ستى ل هه‌یڤا بهێت هه‌ڤپه‌یڤین دگه‌ل ریاز مه‌حره‌ز یاریكه‌رێ لایێ راستێ یێ یانه‌یێ بكه‌ت بو نویكرنا گرێبه‌ستێ ل هاڤینا سالا 2023ێ كو دێ بدوماهیك هێت .
هه‌روه‌سا ئاماژه بوێ چه‌ندێ كر یانه لسه‌ر داخازا پیپ گواردیولا دێ رابیت هه‌تا بو چه‌ند وه‌رزێن دى یاریكه‌رێ جه‌زائیرى ل یاریگه‌ها ئیتیحاد بمینیت .
زه‌سه‌ن به‌حسێ وێ چه‌ندێ كر , پشتى هاتنا هالاند بو مان ستى ئه‌گه‌رێ چوونا مه‌حره‌زى زێده كر و هه‌روه‌سا به‌حسێ وێ چه‌ندێ ژی كر یانه‌یێن پاریس سان جێرمان و میلان و ریال مه‌درید گرنگیێ پێ ده‌ن , به‌لێ نێزیك بونا خیسۆس ل ئه‌رسنال و ئه‌گه‌رێ چوونا ستێرلینگ بو چێلسى , مانا مه‌حره‌ز ل یاریگه‌ها ئیتیحاد بهێز كه‌ت و هه‌لكرنا گلوپا كه‌سك ژلایێ گواردیولا بو درێژكرنا گرێبه‌ستێ پشتى هاڤینا 2024ێ ئاماژه كار وونه كودێ یاریكه‌رێ ئه‌زائیرى ل مان ستى به‌رده‌وام بیت .
مه‌حره‌ز ل وه‌رزێ نوكه دا دگه‌ل مان ستى د هه‌مى قاره‌مانیا دا شیایه 47 یاریا ئه‌نجام بده‌ت , دوو هزار و 931 خوله‌ك یاریێ بكه‌ت ب توماركرنا 24 گولا و نه‌ه ئه‌سیست ئه‌ڤه‌ژى ئه‌گه‌ر بو بده‌ست ڤه ئینانا ناسناڤێ پریمه‌رلیگ ل وه‌رزێ بورى و دووه‌م ناسناڤ لسه‌ر ئێك و چار ناسناڤ بو كاروانێ وه‌رزى كو دژیێ 31 سالیێ دا یه دگه‌ل مان ستى .
