دى ماریا به‌رشه‌لۆنا ره‌ت كر و یۆڤێنتۆس هه‌لبژارت
دووماهیك جار ئه‌نخێل دى ماریا یێ سه‌ركه‌ڤتى بوو د ئێك لاكرنا چاره‌نڤیسێ خۆ دا بۆ په‌یوه‌ندیكرنێ ب ئێك ژ یانه‌یا به‌رشه‌لۆنا یا ئسپانى و یۆڤێنتۆس یا ئیتالى و یاریكه‌رێ ئه‌رجه‌نتینى بریارا خۆ یا دووماهیێ دا كو به‌رشه‌لۆنا ره‌ت كر و یۆڤێنتۆس هه‌لبژارت.
د ڤى بارى دا، رۆژنامه‌یا لاستاماى یا ئیتالى به‌لاڤكریه، دى ماریا یێ 34 سالى دگه‌ل یۆڤێنتۆس گه‌هشتیه رێككه‌ڤتنا دووماهیێ و هه‌ردوو لا د قۆناغا دووماهیێ دانه ل سه‌ر گرێبه‌ستا وى كو دێ بۆ وه‌رزه‌كى بیت.
وێ رۆژنامێ به‌لاڤ كریه ژى، د داهاتییه‌كێ نێزیكدا دى ماریا یێ ئه‌رجه‌نتینى دێ پشكنینێن وه‌رزشى ل باژێرێ تۆرینو ئه‌نجام ده‌ت و ب فه‌رمى دێ په‌یوه‌ندیێ ب خانما پیر كه‌ت.
هه‌واڵی گرنگ
