یانەی یۆڤانتۆسی ئیتاڵی نزیکە لە تەواوکردنی گرێبەستی ئەنخێل دی ماریا ئەستێرەی یانەی پاریس سانجێرمان لە هاوینی ئەمساڵدا.

بەگوێرەی هەواڵێكی رۆژنامەی لا ستامپای ئیتاڵی، یوڤی کۆتا گرێبەستی خۆی دەخاتە بەردەم دی ماریا و چاوەڕێی وەڵامی ئەو یاریزانە دەكات.

رۆژنامەكە ئەوەشی خستۆتەڕو كە هەندێك لە ئەستێرەی تانگو نزیكی ئەو ئەستێرەیەیان پشتڕاستكردۆتەوە بۆ پەیوەندیكردن بە بیانكۆنێری، وەك یەكێكیان رایگەیاندوە: "باس لە دوایین وردەكارییەكان دەكەین... هەروەها چاوەڕێی بەرپرسانی یۆڤانتۆس دەكەین رەزامەندی خۆیان پێبدەن لەسەر هەندێك شت". 

پێشبینی دەكرێت دی ماریا گرێبەستێكی یەك ساڵە واژۆ بكات، هاوكات موچەی ساڵانەی 7 ملیۆن یۆرۆ وەردەگرێت، ئەوەش دوای ئەوەی لە پاریس سانجێرمانەوە بە گرێبەستێكی بێبەرامبەر دەچێتە ئەو یانەیە.