كوردیو

وه‌زاره‌تی ته‌ندروستی ئێران گیانله‌ده‌ستدانی 115 كه‌سی دیكه‌ی به‌ ڤایرۆسی كۆرۆنا راگه‌یاند.

ئه‌مڕۆ شه‌ممه‌  20-6-2020  سیما سادات لاری وتەبێژی وەزارەتی تەندروستی ئێران  رایگه‌یاند، لە 24 كاتژمێری رابردوودا له‌ سەرانسەری ئێران دوو هه‌زار و 322 كه‌سی دیكه‌ تووشی كۆرۆنا بوون، هه‌روه‌ها 115 كه‌سی دیكه‌ش گیانیان له‌ده‌ستداوه‌.

به‌پێی دوایین ئاماره‌كانی وه‌زاره‌تی ته‌ندروستی ئه‌و وڵاته‌، تا ئێستا له‌ وڵاتی ئێران 202 هه‌زار و 584 كه‌س توشی ڤایرۆسی كۆرۆنا بوون، له‌و ژماره‌یه‌ش نۆ هه‌زار و 507 كه‌س گیانیان له‌ده‌ستداوه‌ .