كورديو:
سه‌باره‌ت ب ره‌وشا نه‌خواستی یا شەڕێ سوپایێ تورکیا وگەریلایێن پەکەکێ لسه‌ر ئاخا هه‌رێما كوردستانێ ئه‌نجومه‌نێ جێبه‌جێكرنێ یێ یه‌كگرتوویا ئیسلامیا كوردستانێ به‌یاننامه‌یه‌ك بۆ رایا گشتی به‌ڵاڤكر.

د وێ به‌یاننامه‌یا یه‌كگرتوو دا هاتیه‌: هەلویستێ نەگۆڕێ مه‌ نه‌رازی بوونە ژ چاره‌سه‌ریا سەربازی وئەمنی بۆ ئاریشه‌یان ، پێكۆلێن زوور ژی مه‌ داینه‌ بۆ گەهاندن و ب ئەنجام گەهاندنا ئەڤی هەلویستی .. خەباتا سەردەم دڤێت سیاسی ومەدەنی بیت و دناڤ وه‌ڵاتیدا بیت،هەر وەکو به‌رسڤا دەوله‌تێ دڤێت مەدەنی و دیموکراسی و قه‌بیلكرنا خه‌ما هاوڵاتی بیت.

ئه‌ڤا ل خوارێ ده‌قێ وێ به‌یاننامه‌یێ یه‌:-

ب داخ و دلگرانی جاره‌كا دیتر بینه‌رێن شەڕێ سوپایێ تورکیا وگەریلایێن پەکەکێ دبین ،ب وی ئه‌گه‌ری ژی بۆمبه‌باران وکاڤلكاری و شه‌هید بوونا هاوڵاتیێن سڤیل لسەر عه‌ردێ هەرێمێ سه‌ر هلده‌ته‌ڤه‌ .. هەمی ئالیێن ناڤخۆ ودەرەکی ژی ژبلی تەماشاکرنێ و هنده‌ك ئاخفتنێن دووبارە چ ناکەن یان چ پی ناهێته‌كرن .. ئه‌م ل یەکگرتوویا ئیسلامیا کوردستانێ زێده‌باریی دلگرانی و رەتکرنا ئەڤی شەری نه‌بەرامبەر وخویناوی ، دخوازین ب راشکاوانە ب هەمی لایەکی رابگەهینین.هەلویستێ نەگۆڕێ مه‌ نه‌رازی بوونە ژ چاره‌سه‌ریا سەربازی وئەمنی بۆ ئاریشه‌یان،پێكۆلێن زوور ژی مه‌ داینه‌ بۆ گەهاندن و ب ئەنجام گەهاندنا ئەڤی هەلویستی .. خەباتا سەردەم دڤێت سیاسی ومەدەنی بیت و دناڤ وه‌ڵاتیدا بیت،هەر وەکو به‌رسڤا دەوله‌تێ دڤێت مەدەنی و دیموکراسی و قه‌بیلكرنا خه‌ما هاوڵاتی بیت.

ئەڤ شەڕێن چەکرداری و دووبارە و بێ ئەنجامن، ب زیانا ئاخ و خەلكێ کوردستانێ یه‌ و ئیستینزافیە و ب داوی ناهێت .. نابیت چ لایەك ده‌ستویریێ ب خۆ بده‌ت بناڤێ خه‌باتا نه‌ته‌وه‌یی نه‌هامه‌تی و كاره‌ساتان بۆ گه‌ل و وه‌ڵاتی به‌رهه‌م بینیت.

مێزا گوت و بێژ ودانوستاندنێ دڤی سەردەمیدا میکانزما بتنێ ورێكا ب ئەنجام گه‌هاندنا هەمی پرس ودۆزه‌كا رەوایە .. بەرهەمێ کێم یێ ئه‌وێ مێزێ ژ گه‌له‌كا دیتر باشتر و بەردەوامترە ..

ئه‌نجومه‌نێ جێبه‌جێكرنێ یێ یه‌كگرتوویا ئیسلامیا كوردستانێ

20/6/2020