رێگایەکی سروشتی زیادکردنی ئۆکسجین بۆ توشبووانی کۆرۆنا ده‌دۆزرێته‌وه
توێژەران لە زانکۆی کۆلۆمبیا لە نیویۆرک، رێگایەکی سروشتی دوور لە ئامێری هەناسەدانی دەستکردیان دۆزیوه‌ته‌وه بۆ زیادکردنی رێژەی ئۆکسجین لە توشبوانی کۆرۆنادا.
توێژینەوەکە، لەسەر سەدان توشبووی ڤایرۆسی کۆرۆنا تاقیكراوه‌ته‌وه و دەرکەوتووە، پاڵکەوتن لەسەر سک، یارمەتی زیادکردنی رێژەی ئۆکسجین دەدات.
بەگوێرەی ئەنجامی توێژینەوەکەی زاتكۆی كۆڵۆمبیا له نیویۆرك، ئەو شێوازی پالکەوتنه یارمەتی زیادکردنی رێژەی ئۆکسجینی داوه لە سیەکانی توشبوانی کۆرۆنا بە رێژەی 10% و زیاتر.
پاڵکەوتن لەسەر سک رێگا بە چوونە ناوەوەی زیاتری ئۆکسجین دەدات بۆ ناو سییەکان، چونکە لەکاتی مانەوە و راکشان لەسەر پشت دەرچەی سییەکان دەچێتەوە یەک و تەسک دەبێتەوە.
به‌هۆی ده‌رئه‌نجامی توێژینه‌وه‌كه‌ش، پێشنیارکراوە ئەم رێگایه بۆ توشبووانی کۆرۆنا به‌كاربهێنرێت، بەتایبەت بۆ ئەو نەخۆشانەی ئامێری هەناسەدانی دەستکردیان بۆ دابین ناکرێت یاخود باری تەندروستیان مامناوەندە.
