كوردیو

 

وەزارەتی تەندروستیی هه‌رێم  رایگەیاند، لە 24 كاتژمێری رابردوودا 240کەس له‌ هەرێمی کوردستان تووشی ڤایرۆسی کۆرۆنا بوون.

 

ئه‌مرۆ سێ شه‌ممه‌ 30-6-2020 وه‌زاره‌تی ته‌ندروستی حكومه‌تی هه‌رێم له‌ راگه‌یه‌ندراوێكدا كه‌ وێنه‌یه‌كی ده‌ست (كوردیو) كه‌وتووه‌ بڵاویكردووه‌ته‌وه‌ له‌ماوه‌ی 24 كاتژمێری رابردوودا هه‌زار و 582 پشكنینی ڤایرۆسی كۆرۆنا ئه‌نجامدراوه‌، ده‌ره‌نجام  240 کەسی دیكه‌  تووشی کۆرۆنا بوون و حه‌وت کەسیش گیانیان لەدەستداوە هەروەها 88 کەسیش چاکبوونەتەوە. 

 

به‌پێی دوایین ئاماره‌كانی وه‌زاره‌تی ته‌ندروستی ،تا ئێستا  شه‌ش هەزار و 144 کەس تووشی كۆرۆنا بوون، لەو ژمارەیەش هه‌زار و 855  کەس چاکبوونەتەوە و 207 کەسیش گیانیان لەدەستداوە‌.