وەزارەتی نەوتی عێراق راگەیەنراوێكی بڵاو كردەوە و ئاماری مانگی رابردووی نەوتی بڵاوكردەوە كە خۆی لە نزیكەی (2) ملیار دۆلار دەدات.
وەزارەتی نەوتی عێراق دووپاتی كردەوە ، تەنها لە مانگی حوزەیران كۆی گشتی هەناردەكراوی نەوت لەرێگای كۆمپانیای سۆمۆ گەیشتۆتە (84) ملیۆن و (590) هەزار و (194) بەرمیل نەوت.
هاتووە ، لە كێڵگەكانی ناوەراست و باشووری عێراق زیاتر لە (81) ملیۆن و (7) هەزار و (675) بەرمیل نەوت فرۆشراوە ، لەكەركوكیش لەرێگای بەندەری مینا (3) ملیۆن و (482) هەزار و (519) بەرمیل فرۆشراوە.
لەبەیاننامەكەی وەزارەتی نەوتی عێراق هاتووە ، نرخی یەك بەرمیل نەوت لەمانگی رابردوو بەرێژەی (33.864) دۆلاری ئەمریكی خەملێنراوە.
لەبارەی كۆی گشتی داهاتی هەموو نەوت لەرێگای كۆمپانیای سۆمۆ بۆ مانگی حوزەیران ، وەزارەتی نەوتی عێراق دەلێت داهاتەكە گەیشتۆتە (2) ملیار و (861) ملیۆن و (140) هەزار دۆلاری ئەمریكی.