شانەی رووبەروبوونەوەی قەیرانەكان لە پەرلەمانی عێراق رایدەگەینێت ، هێشتا عێراق نەگەیشتۆتە قۆناغی خۆ گونجاندن لەگەڵ كۆرۆنا و كاتی ئەوە نییە قەدەغەی هاتوچۆ هەڵبگیرێت.
غایب ئەلعمێری ، ئەندامی لیژنەی شانەی رووبەروبوونەوەی قەیرانەكان لە پەرلەمانی عێراق رایگەیاند : " هێشتا نەگەیشتووین بە قۆناغی ژیانكردن لەگەڵ كۆرۆنا ، ئەمەش وای كردووە حكومەت زیاتر پابەند بێت بە قەدەغەی هاتوچۆ".
ئەوەیشی راگەیاند : " هەر كاتێك عێراق لەگەڵ ڤایرۆسەكە توانی گونجان بكات دەتوانین رایبگەینین قەدەغەی هاتوچۆی گشتی هەڵبگرین".
لەكۆتاییدا وتی : " قەدەغەی گشتی هاتوچۆ چارەسەر نییە ، چونكە حكومەت تا رێگرنەبێت لە كۆبوونەوە و سەپاندنی رێنماییەكان بەسەر هاوڵاتیان ناتوانین كۆتایی هاتنی كۆرۆنا رابگەینین".