لەگەڵ ئەوەی ئێستا لەمانگی حەوت و لە وەرزی هاوینداین بەڵام وەزارەتی دارایی و ئابوری حكومەتی هەرێم خشتەیەكی دابەشكردنی مووچەی مانگی دووی ئەمساڵی فەرمانبەران و مووچە خۆرانی بڵاو كردەوەو بەپێی خشتەكە ئەمرۆ چەند شوێنێك مووچە وەردەگرن .

لە راگەیەندراوێکدا وەزارەتی دارایی حکومەتی هەرێمی كوردستان رایگەیاندووە: ئەمڕۆ چوارشەممە ٨ی ٧ی ٢٠٢٠، موچەی وەزارەتی پەروەردە، بەشی دەرەوەی شار و رۆژی پێنجشەممەش، ٩ی ٧ی ٢٠٢٠، موچەی بەشی ناوشاری وەزارەتەکە دابەشدەکرێت.

دابەشکردنی موچە لەکاتێکدایە نزیکەی ٦٠ دابەشنەکراوەو، رۆژی ٢١ی مانگی رابردووش، حکومەتی هەرێم چەند بڕیارێکی نوێی بۆ کەمکردنەوەی موچە و دەرماڵەی فەرمانبەران دەرکرد و بەپێی بڕیارەکان بە رێژەی ٢١٪ موچەی فەرمانبەران و موچەخۆرانی هەرێم کەمکرایەوەو فەرمانبەران و موچەخۆرانیش لەهەندێ ناوچەی هەرێم بەهۆی دواكەوتنی مووچەكانیانەوە بایكۆتی دەوامیان كرد و نارەزایەتیان دەربری لەبەرامبەر خەم ساردی بەرپرسانی حكومەتی هەرێم .