بەرپرسێكی ئێران رایگەیاند، دۆخی تەندروستی ناوچەكە لەبار نییە بۆ كردنەوەی سنوورو بەشداری دەروێشەكان لە پرسەی شێخ موحەمەد كەسنەزانی.
(حوسێن خۆش ئیقبال) یاریدەدەری پارێزگاری كوردستان بۆ كاروباری سیاسی و ئاسایش بۆ ئاژانسی میهر رایگەیاندووە، ئێستا دۆخەكە بۆ بەشداری خەڵك لە پرسەی رابەری تەریقەتی كەسنەزانی لەبارنیە.
لەبارەی رووداوەكەی دوێنێی سنووری باشماخی مەریوان و سنوور بەزاندنی سەدان دەروێشی قادری كەسنەزانی لە ئێرانەوە بۆ سلێمانی، ڕایگەیاند: لە ئیستادا دۆخەكە گونجاو نییە بۆ بەشداری لە پرسە.
خۆش ئیقبال وتیشی، سنوور پارێزانی عێراقی ڕێگریان لە دەروێشەكان كردووەو كێشە دروست بووەو دەروێشەكان فشاریان هێناوە كە دەربازی ئەو دیوی سنوور بن و بەم بۆنەوە تەقەی ئاسمانی كراوەو كەسیش نەكوژراوە .