لە گوندێكی ئاكرێ ژمارەیەك لە هاوڵاتیان دەست بە قیرتاوی رێگەی گوندەكەیان دەكەن و لەسەر ئەركی خۆیان چاڵ و چۆڵی رێگاكەیان چاك دەكەنەوە.

لەبری حكومەتی هەرێمی كوردستان ژمارەیەك لە هاوڵاتیانی گوندی ئاكرێ هەستاون بەچاككردن و قیرتاوكردنی ڕێگەو بانەكەیان و خەرجی كارەكەش لە ئەستۆی خۆیانە.

 

سەرپەرشتیاری ئەو تیمە بە میدیای نزیك لە پارتی ڕاگەیاند: رێگەی گوندەكەمان كە دڕین شێخە تاوەكو ئاكرێ شەش كیلۆمەترە، ئێمە پێنج كەس بووین و توانیمان لەماوەی چوار رۆژ چاڵ و چۆڵەكانی رێگاكە قیرتاو بكەینەوە.

هەروەها ئەوەشی خستەڕوو: دوو كیلۆمەتری ڕێگەوبانەكە ماوە ئەوەندە وێرانە كە بە ئێمە چاك ناكرێتەوە و دەبێت حكومەت خەمێكی لێ بخوات.