یەكگرتووی ئیسلامی كوردستان هەمیشە بە هەلوێست و هەنگاوەكانی گۆمی مەنگی سیاسی هەرێمی كوردستان دەشڵەقێنێ .

یەكگرتوو لەسەرەتای ئیعلانكردنیەوە تاوەكو ئەمرۆ حیزبی هەڵوێست و متمانە بووە ،حیزبی خزمەت و چاكسازی و ئۆپۆزسیۆنی مەدەنی بووە ، لەوەتەی یەكگرتوو هەیە گۆرەپانی سیاسی هەرێم بۆن و رەنگێكیتری گرتووە، لەكوێ ئاشتی هەبوبێت ئەوە دەستی یەكگرتووی تێدابووە لە كوێ باسی چاكسازی و بنەبركردنی گەندەڵی بوبێت ئەوا دروشمی راستەقینەی یەكگرتوو بووە.

لە كوێ هەماهەنگی و هاوكاری نێوان لایەنەكان بۆ پرسی قەوارەی هەرێم هەبوبێت یەكگرتوو پێشەنگی بووەو لە كوێ هێمنی و ئارامی و میانرەوی دەنگی هەرێمی كوردستان سەدای بەرزبوبێت یەكگرتوو هەڵگرو پێشرەوی ئەم چەمكانە بووە.