سەرۆكی توركیا رایگەیاند، ئەگەری ئۆپەراسیۆنێكی سەربازی هاوبەشی توركیا، عێراق و هەرێمی كوردستان دژی پەكەكە هەیە.
رۆژنامەی حوریەت نووسیویەتی، (رەجەب تەیب ئەردوگان) سەرۆكی توركیا رایگەیاندووە، ئەگەری ئوپەراسیۆنێكی سەربازی هاوبەشی توركیا، عێراق و هەرێمی كوردستان دژی پەكەكە هەیە، وتیشی: بەڵام ئەم ئۆپەراسیۆنە پێشتر ڕاناگەیەندرێت، بەڵكو شەوێك لە ناكاو هێرش دەكەین.
پاش سەردانی (خەلوسی ئاكار) وەزیری بەرگری توركیا بۆ عێراق و هەرێمی كوردستان، ئەگەری ئۆپەراسیۆنی سەربازی هاوبەشی توركیا، عێراق و هەرێمی كوردستان دژی پەكەكە راگەیەندرا.
ئاكار لە كۆنفڕانسێكی ڕۆژنامەوانی لە هەولێر وتی: وڵاتەكەی ئامادەی هاوكاری لەگەڵ بەغداو هەولێرە بۆ لەناوبردنی پەكەكە.
تا ئێستا دیار نییە كە ئایا بەغداو هەولێر دەیانەوێ لەگەڵ توركیا لەم ئۆپەراسیۆنەدا هاوكاری بكەن یان نە.