حەمزە رەزیكی پەیڤدارێ رێڤەبەریا گشتیا ساخلەمیا پارێزگەها دهۆكێ د كۆنگرەیەكێ رۆژنامەڤانی دا ئامارا سێ رۆژێن نەورۆزێ بەلاڤكر تێدا دازانین، نەهـ كەسان ب سەدەمێن جودا ژیانا خۆ ژ دەستدانە، 55 حالەتێن سوتنێ هاتنە توماركرن، كو سێ ژ وانا هاتبوونە نڤاندن ل نەخۆشخانێ و سێ ژی ژ ئەگەرێن یاریێن ئاگری دەستێن وان سوتینە و هاتبوونە نەشتەرگەری كرن .
هەروەسادیاركر هەر د سێ رۆژێن نەورۆزێ دا 212 زارۆك ژ دایكبوونە، كو 108 كچ و 104 كور بووینە.
بەحسا وێ یەكێ ژی كر، كو 38 كەس بەركەفتیێن بویەرێن هاتنوچوونێ نە، 468 كەس ل دەزگەهێن ساخلەمیێ هاتنە نڤاندن، 21 كەسان گاز ڤەخاریە، 28 كەس ژی ژ بلیندیان كەفتنە و كەسەك ب گولەیێن ئاگری برینداربوویە .
دەربارەی ڤایرۆسێ كۆرۆنایێ پەیڤدارێ ساخلەمیا پارێزگەها دهۆكێ ئەشكرا كر، ل هەرسێ رۆژێن نەورۆزێ دا سێ هزار و 907 پشكنینێن كۆرۆنایێ هاتنە ئەنجامدان، 400 كەس توشبوونە و 160 كەس چارەسەربووی هاتنە توماركرن.