د.خه‌یرى عه‌لى ئۆسو، رێڤه‌به‌رێ گشتى یێ گه‌شتوگۆزارا پارێزگه‌ها دهۆكێ د كۆنگره‌یه‌كێ رۆژنامه‌ڤانى دا دیاركر: د هەلكەفتا نه‌رورۆزێ دا نێزیكى 19 هزار گه‌شتیاران قه‌ستا پارێزگه‌ها دهۆكێ كریه‌.

گۆت ژى: 15 تیمێن مه‌ ل دهۆك و هه‌مى قه‌زا هه‌بون كۆ ئه‌ركێ وان ئه‌و چه‌نده‌ بوویه‌ پێتڤیێن خۆپاراستنێ پێشكێشى خه‌لك و گه‌شتیاران دكرن، هه‌مان ده‌م دا پێشوازیا گه‌شتیاران ژى دكر و هه‌مان ده‌م دا 900 بنگه‌ھ، 250 جهێن سرۆشتى مه‌ هه‌نه‌ خه‌لك و گه‌شتیار شیانه‌ ل وان جهان گه‌شتێن خۆ یێن نه‌ورۆزێ بكه‌ن.

رێڤه‌به‌رێ گشتى یێ گه‌شتوگۆزارا پارێزگه‌ها دهۆكێ ئاماژه‌ ب وێ چه‌ندێ ژى دا: "مه‌ پلان دانابوو وه‌كه‌ گه‌شتوگۆزارا دهۆكێ كۆ ل رۆژانێن نه‌ورۆزێ 15 هزار گه‌شتیار قه‌ستا پارێزگه‌ها دهۆكێ بكه‌ن، لێ ‌ نێزیكى 19 هزار گه‌شتیاران قه‌ستا ئه‌ڤێ پارێزگه‌هادھوك كریە‌، كۆ ئه‌ڤ رێژه‌یه‌ یا به‌رى هه‌لكرنا ئاگرێ نه‌ورۆزێ بوویه‌ تا كۆ دوهى رۆژا ئه‌ینى.

دیار ژى كر: 12 هزار گه‌شتیار ژ پارێزگه‌هێن ناڤەراست و ژێریا عیراقێ هاتنه‌ دهۆكێ و نێزیکی حەفت ھزار گەشتیار ژی ژ باکۆری کوردستانێ ھاتنە و ئه‌م دێ هه‌ولده‌ین و به‌رده‌وام بین كۆ جۆره‌ بازاركرنه‌كێ گه‌شتوگۆزارێ ل دهۆكێ بهێته‌ كرن و ل پارێزگه‌هێن عیراق و باكورێ كۆردستانێ گه‌شتوگۆزارا دهۆكێ هاتیه‌ نیشاندان، دێ هه‌ولده‌ین ل هنده‌ك وه‌لاتێن عه‌ره‌بى ژى پشكدار بین ب نیشاندانا گه‌شتوگۆزارا پارێزگه‌ها دهۆكێ.