پۆلیسێن دهۆكێ ڕاگه‌هاند، ل باخچێ كۆلێژا په‌رستاری و ل نێزیك نه‌خۆشخانا ئازادی ل دهۆكێ كۆمه‌كا هه‌ستیكێن مرۆڤی هاتنه‌ دیتن.

پۆلیسێن هاوارهاتنا دهۆكێ ڕاگه‌هاندنه‌ك به‌لاڤكر و تێدا هاتیه‌، په‌یوه‌ندی ب ژورا كۆنترۆلا هاوارهاتنا (104) هاتیه‌كرن ئه‌و هاتنه‌ ئاگه‌هداركرن، ب هه‌بوونا كۆمه‌كا هه‌ستیكێن مرۆڤی ل باخچێ كۆلێژا په‌رستاریا دهۆكێ كو دكه‌ڤیته‌ به‌رامبه‌ر نه‌خۆشخانا ئازاد یا دهۆكێ.

به‌حسا وێیه‌كێ ژی كریه‌، ده‌ما كاركه‌ره‌كی ده‌ست ب كۆلانا عه‌ردی و پاقژكرنا باخچێ كۆلێژی كری‌ تێدا كۆمه‌كا هه‌ستیكێن مرۆڤی ده‌ركه‌فتنه‌ و وی كاركه‌ری ژی پۆلیس ژ وێ چه‌ندێ ئاگه‌هداركرینه‌.

پۆلیسێن هاوار هاتنا دهۆكێ ئاماژه‌ ب هندێ ژی كریه‌، پۆلیسێن نه‌هێلانا گونه‌هباریا دهۆكێ ئه‌و هه‌ستیك بۆ نوژداریا داد ڕه‌وانه‌كرینه‌ و ده‌ست ب ڤه‌كۆلینان ژی كرنه‌.