مه‌زنترین پارك ب ڕووبه‌رێ 900 دۆنمێن عه‌ردی ل پارێزگه‌ها دهۆكێ دهێته دروستكرن و نها ژی ده‌ست ب رێكاران هاتیه‌كرن.
ئیسماعیل مسته‌فا، رێڤه‌به‌رێ ڕاگه‌هاندنا باژێرڤانیا سه‌نته‌رێ دهۆكێ ب رۆپه‌لا فه‌رمیا پارتی ڕاگه‌هاندیه، ل پارێزگه‌ها دهۆكێ ل ده‌ڤه‌را ئالۆكا مه‌زنترین پارك لسه‌ر رووبه‌رێ 900 دۆنمێن عه‌ردی دهێته دروستكرن و د نها دا ژی ب مه‌ره‌ما دروستكرنێ ده‌ست ب رێكاران هاتیه كرن.
به‌حسا وێیه‌كێ ژی كر، ئه‌وان رێكارێن باژێرڤانیێ ته‌مامكرینه ڕه‌وانه‌ی وه‌زاره‌تا چاندنێ هاتیه‌كرن و دیڤدا ڕه‌وانه‌یێ جڤاتا وه‌زیران هاتیه‌كرن هه‌یا كو پاره بۆ بهێته ته‌رخانكرن وب ڤێ یه‌كێ ژی دێ بیته مه‌زنترین پارك ل سنورێ پارێزگه‌ها دهۆكێ
