68مین كۆمبوونا ئێكه‌تیا بازرگانى وپیشه‌سازى یا كوردستانێ ل ژوورا بازرگانییا دهۆكێ هاته ئه‌نجامدان
ب به‌رهه‌ڤبوونا سه‌رۆك وئه‌ندامێن ئێكه‌تییا بازرگانى وپیشه‌سازى ل دهۆك و هه‌ولێر وسلێمانیێ وهه‌له‌بچه وكه‌ركوكێ 68مین كۆمبوونونا ئێكه‌تیا بازرگانى وپیشه‌سازى یا كوردستانێ هاته ئه‌نجامدان.
دكۆمبوونێدا به‌حسێ بزاڤا بازرگانى وپیشه‌سازى ل هه‌رێما كوردستانێ وئاسته‌نگێن دكه‌ڤنه پێشیا بازرگان وخودان كارا وچاوانیا چاره‌سه‌ركرنا وان ئاریشا ب گشتى هاته كرن.
پاش دارا جلیل خه‌یات سه‌رۆكێ ئێكه‌تیا بازرگانى وپیشه‌سازى دپه‌یڤه‌كێدا سوپاسیا پارێزگارێ دهۆكێ وئاماده‌بوونا جه‌نابێ وى دناڤ كۆمبوونێدا كر وخواست كو پارێزگارێ دهۆكێ پتر یێ هه‌ڤكاربیت دگه‌ل بازرگانان وخودانكارا بۆ وێ یه‌كێ ئاریشێن دكه‌ڤنه پێشیا وان بهێنه چاره‌سه‌ركرن.
پاش جودا جودا په‌یڤێن لقێن ئێكه‌تیا بازرگانى وپیشه‌سازى هاتنه خاندن. پارێزگارێ دهۆكێ دپه‌یڤه‌كێدا گوت:كابینا نه‌هێ یا حكومه‌تا هه‌رێما كوردستانێ هه‌ولدده‌ت كو ده‌لیڤێن كارى وبازرگانى ب یه‌كسانى بۆ هه‌موو بازرگان وخودانكارا وسه‌رمایه‌دارا په‌یداكه‌ت. هه‌روه‌سا هه‌ولده‌ت كو هه‌موو ئاسانكارى بۆ وان بهێنه كرن وروتین بهێته كرن وقورغكارى بهێته بنبركرن وهه‌موو كاروبار وخزمه‌تكارى ل دووڤ یاسا ورێنمایێن حكومه‌تا هه‌رێما كوردستانێ ویێن حكومه‌تا عیراقێ دبیاڤێ گومركیدا بو بازرگان وخودانكار وسه‌رمایه‌داران بهێنه كرن بو وێ یه‌كێ بزاڤا بازرگانى ل سنورێ پارێزگه‌هێ وهه‌رێما كوردستانێ بهێته خورتكرن وپشته‌ڤانیا پارێزگه‌هێ نیشان دا بۆ نه‌هێلا هه‌ر به‌ربه‌سته‌كێ ل هه‌مبه‌ر كارێ بازرگانیێ وسه‌ركه‌فتن بۆ كۆمبوونێ خواست.
ل دوماهیێ پارێزگارێ دهۆكێ دكونگره‌كێ رۆژنامه‌ڤانى دا ته‌كه‌زى ل سه‌ر كێمكرنا روتینێ ونه‌هێلانا قورغكاریێ و چاره‌سه‌ركرنا ئاریشێن بازرگانان كر.
