وتەبێژی وەزارەتی خوێندنی باڵای حكومەتی هەرێمی كوردستان ڕایدەگەیەنێت: بەگوێرەی بڕیار و پرۆگرامی وەزارەتەكەمان تا رۆژی ٢٥ی ئەم مانگە، پرۆسەی خوێندن لە سەرجەم زانكۆ و پەیمانگاكانی هەرێم دەستپێدەكاتەوە.
عەباس ئەكرەم وتەبێژی وەزارەتی خوێندنی باڵای حكومەتی هەرێمی كوردستان بە ڕۆژنامەنوسانی ڕاگەیاند: سەرجەم ئەو دەنگۆیانەی باس لە دواخستنی پرۆسەی خوێندن لە وەزارەتی خوێندنی باڵا دەكەن رەتدەكەینەوە و بەگوێرەی ئەو بڕیارەی پێشتر وەزارەتی خوێندنی باڵا تایبەت بە دەستپێكردنەوەی پرۆسەی خوێندن داوییەتی، تا رۆژی ٢٥ی ئەم مانگە پرۆسەی خوێندن لە سەرجەم زانكۆ و پەیمانگاكانی هەرێم دەستپێدەكاتەوە.
جێگەی باسە پێشتر رۆژی ١٤ی ئەم مانگە، ساڵی نوێی خوێندن لە سەرجەم ناوەندەكانی خوێندنی سەر بە وەزارەتی پەروەردە دەستیپێكردەوە.