وتەبێژی بەڕێوەبەرایەتی هاتوچۆی هەولێر ڕایدەگەیەنێت: مادەی سەرخۆشكەر هەمیشە بكوژە،بۆیە لێ دوركەوتنەوە باشترین چارەسەرەو ئەمڕۆ بەو هۆیەوە ڕوداوێكی هاتوچۆ ڕویداوە.

هۆگر عزیز وتەبێژی بەڕێوەبەرایەتی هاتوچۆی هەولێر بڵاویكردەوە: كاتژمێر چواری بەرەبەیانی ئەمڕۆ لەسەر ڕێگای هەولێر كەسنەزان، لەسایدی هاتن بۆناو شار لەنزیك بەنزیخانەی شێر، پێكدادانێك ڕویدا لەنێوان ڕاڤ فۆڕێكی تایبەت و تاكسیەك.

ئەوەشی خستەڕوو: لەئەنجامی ڕوداوەكەش سێ كەس بەسەختی بریندار بون و لەكاتی لێكۆلینەوەش دەركەوت یەكێك لەشوفێرەكان كە شوفێری ڕاڤ فۆرەكە بوە سەرخۆش بوە وە بەخێراییەكی زۆر لێیخوڕیوە، وە كاتێك گەیشتۆتە نزیك تاكسیەك كەلەپێشی بوە ،بێ هیچ كەمكردنەوەیەكی خێرایی خۆی پیاكێشا بولەدواوە.