ڕێكخراوی گەشەپێدان لەپڕۆژەی بەرەو زانكۆ فۆڕم بۆ دەرچوانی پۆلی 12 پڕدەكاتەوە.
سەربەست عەزیز، سەرپەرشتیاری گشتی پرۆژەی بەرەو زانكۆ بە كوردیوی ڕاگەیاند: دوای كاراكردنی سیستەمی زانكۆلاین لەلایەن وەزارەتی خوێندنی باڵاوە، ڕێكخراوی گەشەپێدانی قوتابیانی كوردستانیش دەستپێكردنی پرۆژەی بەرەو زانكۆی ڕاگەیاند.
گوتیشی: ڕێكخراوی گەشەپێدان لەڕێگەی زیاتر لە 25 لق و ناوچە لەم پڕۆژەیەدا فۆڕمی زانكۆلاین بۆ دەرچوانی پۆلی 12 بەشێوەیەكی خۆبەخشانەو بە خۆڕایی پڕدەكاتەوە.
ڕێكخراوی گەشەپێدانی قوتابیانی كوردستان ئەزموونی 11 ساڵی لە پڕۆژەی بەرەو زانكۆدا هەیە، ساڵانە لەڕێگەی ئەوانەوە 10 تا 12 هەزار قوتابی فۆڕمی زانكۆلاین پڕدەكەنەوە.