سەرچاوە هەواڵییەكان باس لەوەدەكەن، ئەمڕۆ هەینی بوومەلەرزەیەك بەهێزێكی مام ناوەند باشووری ئێرانی هەژاندووە.
سەنتەری ئەوروپی بۆ ڕووماڵی بوومەلەرزە بڵاویكردۆتەوە، بوومەلەرزەكەی ئەمڕۆ هەینی ئێران پلەكەی (5.2) پلە بووە بەپێی پێوەری ڕێختەر.
هەروەها باسیشی لەوەكردووە، بوومەلەرزەكە لە بەشی باكووری خۆرئاوای شاری بوشهەری داوە، كە وێستگە ئەتۆمییەكەی ئێران دەكەوێتە ئەو ناوچەیە، بەڵام تاكو ئێستا هیچ زانیارییەك نییە سەبارەت بە بوونی زیانەكانی ئەو بوومەلەرزەیە.