كۆمپانیای هواوی چینی، نوێترین مۆدێلی مۆبایلی كۆمپانیاكەی بڵاوكردەوە.

لەو چوارچێوەیەدا، وتەبێژی كۆمپانیای هواوی رایگەیاند: مۆبایلە نوێیەكەی ئەو كۆمپانیایە ناوی مەیت 60 ەو بۆ بەرهەمهێنانی، بە تەواوی سوود لە تەكنەلۆژیا و پیشەسازی چینی وەرگیراوە.

هاوكات ئەوەشی ئاشكرا كرد، مۆبایلی هواوی مەیت 60 توانای كاراكردنی سیستەمی (5g) هەیە.

ئەوەش لە كاتێكدایە لەساڵی (2019) ەوە ئەمریكا بە تۆمەتی گواستنەوەی زانیاری بەكاربەران، گەمارۆی خستەسەر كۆمپانیای هواوی. بەو هۆیەوە بەرهەمهێنانی مۆبایلی نوێی هواوی بۆ ماوەیەك دواكەوت.