ئامیزاد لە ژیانیدا بە چەندین «هەورازو نشێو، تاڵ و شیرین، خۆش و ناسۆر، ئاسان و گران»دا گوزەر دەڪات.

بەدڵنیاییەوە، بەرانبە ڕوودانی ڕووداوەڪان بێ هەڵوێست و پەرچەڪردار نابێت.

جا چ شیاو بێت هەڵوێست نواندنەڪەی یاخود نەشیاو، لەگەڵ ئەوەشدا دەبێتە ماڵ و ڪۆڵ و بار بۆی و لەسەری ئەژمار دەڪرێت، وە لە دونیا پێی دەناسرێ و، لەسەری ناوو ناوبانگ و، ڪەسایەتی و، پێگەی بونیات دەنرێت.

لەوەش زیاترو گرنگتر، لەدواڕۆژدا لەو ڕوانگەوە مامەڵەی ڕەواو شیاوو شایستەی لەگەڵدا دەڪرێ و پاداشت و سزای خۆی وەردەگرێت.

بەوپێیە خودی ڕووداوەڪان و هەڵوێست نواندنی ڪەسەڪان لە ئاستیاندا، بووەو دەبێتە سەنگی مەحەڪ و، ڪەسەڪان دابەش دەڪات بۆ «براوەو دۆڕاو»، لە ژیاندا.

بێگومان مرۆڤ قەت ناتوانێت خۆی قوتار بڪات لە دووچار نەبوون بە ڕووداوی ناخۆش و دژوار، چ دووچاری خۆی ببێت یاخود بەرانبەرێڪی..

ئەوجا پاش تووشبوون و بەگیرهاتن، گەر یەڪێ بوو لە خاوەنی ئەم هەڵوێستانە، ئەوە حەتم دۆڕاندوویەتی و دۆڕاوە:

1. ورە بەردان و نائومێدبوون، ڪەوتن و هەوڵنەدان و ڪار نەڪردن و پاڵدانەوە.

2. هەڵچوون و پەنابردن بۆ ڪاری خراپ و مامەڵەی نەشیاو، شڪاندن و داڕمان و داپڵۆسین و وێرانڪردنی ژیانی ڪەسانی بێ خەتا.

3. مەیلداری بۆ بەهێزو زاڵ، هەواداربوونی دەستڕۆیشتوو، وازهێنان لە دۆزو پرسی هەق، پشتڪرنە ڪەیس و قەزیەی ڕەواو خۆسڕینەوەو ڪۆتایی هێنان بە بوون و مان.

بێگوومان لەبەرانبەریشدا ڪەسانێڪ بوون و دەبن ڪەوا بەهۆی هەڵوێستی ڕاست و ڕوون و ڕەوانیانەوە، هەردەم براوە بوون و دەبن، ڪە سەردەستەو سەرمەشقیان، بریتی بوون لە پەیامبەرانی خوا «د.خ».

ڪە خاوەنی «پەیامی هەق» بوون، وە فەرمانیان پێڪراوە بەوەی هەم خۆتان، وەهەم شوێنڪەوتوانتان، خاوەنەڪەتان «الله» چۆنتانی لێ خواستووە دەبێت ئاوا ڕێڪ و ڕاست سەودا بڪەن و هەڵوێست بنوێنن «فَاسْتَقِمْ كَمَا أُمِرْتَ ۆمَن تَابَ مَعَكَ». ئەویش بەم شێوەیە:

1. «ڵا تَقْنَگُوا». بێ هیوا مەبن، بەڵڪو هەردەم ورەبەرز، ئومێدەوار، گەشبین، پێشڪەوتن. قاڵبوون لە هیمەت، هەوڵدان، ڪارڪردن، ڕەنج و تێکۆشان، داهێنان لەژیاندا خەسڵەت و شوناستان بێت «ڵا تَقْنَگُوا».

2. «ۆڵا تَگْغَوْاْ» زیادەڕەوی و سنوور بەزێنی مەڪەن. بەڵڪو خۆگرتن، سنوورپارێزی، ڪارو ڪردار چاڪی، مامەڵە درووستی، شکۆ پارێزی، ژیاندۆستی، دادپەروەری، ئاوەدانی، هەردەم سیمای جوان و سیفاتتان بێت. «ۆڵا تَگْغَوْاْ»، وە ئەگەر بەرانبەریش پێنەزانێت، ئەوە دڵنیابن ڪە خوا بینەرەو پێی دەزانێت «إِنَّهُ بِمَا تَعْمَلُونَ بَصِیرٌ/ هود: 112».

3. «ۆڵا تَرْكَنُواْ» پاڵ مەدەن بە ستەمڪارانەوەو مەیلی دڵتان بۆیان نەبێت. بەڵڪو مەحڪەم ڕاوەستن، لە بەرەی چاڪەڪاری، دادپەروەری، مرۆڤدۆستییەوە، وە پشت بڪەنە زوڵمی زاڵمان. تەنانەت خۆبوێرن لە مەیلدان و هەواداری و خۆشویستنیان. «ۆڵا تَرْكَنُواْ إِڵی الَّژِینَ ڤَڵمُواْ»

بۆ ئەوەی لە تۆڵەی سەختی خوا پارێزراو بن و «سەرڪەوتوو براوە» بن. «فَتَمَسَّكُمُ النَّارُ ۆمَا ڵكُم مِّن دُونِ اللَّهِ مِنْ أَوْلِێا‌وَ پُمَّ ڵا تُنصَرُونَ/ هود ۱۱۳».